വിഷ്ണു വിനോദിന് സെഞ്ചറി, സർവീസസിനെ കീഴടക്കി കേരളം, നാടകീയ ജയം

മുംബൈ ∙ ഉജ്വല സെഞ്ചറിയുമായി വിഷ്ണു വിനോദ് (109 നോട്ടൗട്ട്) തകർത്തടിച്ച മത്സരത്തിൽ കേരളത്തിന് നാടകീയ ജയം. മുഷ്താഖ് അലി ട്വന്റി20 ക്രിക്കറ്റ് ടൂർണമെന്റിൽ സർവീസസിനെ കീഴടക്കിയത് ഒരു റണ്ണിന്. ആദ്യം ബാറ്റു ചെയ്ത കേരളം 20 ഓവറിൽ 3 വിക്കറ്റ് നഷ്ടത്തിൽ 189 റൺസെടുത്തപ്പോൾ സർവീസസിന്റെ മറുപടി 188 റൺസിൽ അവസാനിച്ചു. 62 പന്തിൽ 109 റൺസുമായി വിഷ്ണു പുറത്താകാതെ നിന്നു. 15 ഫോറും 4 സിക്സും അടങ്ങുന്നതായിരുന്നു ഇന്നിങ്സ്. കഴിഞ്ഞദിവസം കേരളം ഹിമാചൽപ്രദേശിനെ 35 റൺസിന് തോൽപിച്ചിരുന്നു.