മയാങ്ക് ബെംഗളൂരുവിൽ; രഞ്ജി നഷ്ടമാകും

അഗർത്തല ∙ വിമാനത്തിലെ ഭക്ഷ്യവിഷബാധയെത്തുടർന്ന് ചികിൽസയിലായിരുന്ന കർണാടക ക്രിക്കറ്റ് താരം മയാങ്ക് അഗർവാൾ അഗർത്തലയിലെ ആശുപത്രി വിട്ട് ബെംഗളൂരുവിലെത്തി.

അപകടസ്ഥിതി തരണം ചെയ്തെങ്കിലും റയിൽവേസിനെതിരെ ഇന്നു തുടങ്ങുന്ന രഞ്ജി ട്രോഫി മത്സരം കർണാടക ക്യാപ്റ്റൻ കൂടിയായ മയാങ്കിന് നഷ്ടമാകും. ചൊവ്വാഴ്ച, ന്യൂഡൽഹിയിലേക്കുള്ള വിമാനത്തിലെ സീറ്റിനു സമീപമുണ്ടായിരുന്ന ദ്രാവകം കുടിച്ചതിനു പിന്നാലെയാണ് മയാങ്കിന് കടുത്ത അസ്വസ്ഥതകളുണ്ടായത്. ഇതോടെ വിമാനം അഗർത്തലയിൽ തിരിച്ചിറക്കി മയാങ്കിനെ ആശുപത്രിയിൽ പ്രവേശിപ്പിക്കുകയായിരുന്നു. വിമാനക്കമ്പനിക്കെതിരെ മയാങ്കിന്റെ മാനേജർ ത്രിപുര പൊലീസിൽ പരാതി നൽകിയിട്ടുണ്ട്.