വിരമിച്ച ശേഷം ചാമിന്ദ വാസ് എന്തു ചെയ്യുന്നു? ഉത്തരം ഇതാ

വർണകുലസൂര്യ പട്ടാബെംഡിഗെ ഉഷാന്ത ജോസഫ് എന്നു തുടങ്ങുന്ന പേരുകാരനായ ഇദ്ദേഹത്തെ നമ്മളറിയുന്നത് മറ്റൊരു പേരിലാണ്- ചാമിന്ദ വാസ്! ശ്രീലങ്കൻ ക്രിക്കറ്റിന്റെ സുവർണകാലത്ത് അവരുടെ പേസ് ബോളിങ്ങിന്റെ കുന്തമുനയായിരുന്ന വാസ് രാജ്യാന്തര ക്രിക്കറ്റിൽ ടെസ്റ്റിലും ഏകദിനത്തിലും ആയി 755 വിക്കറ്റുകൾ നേടിയിട്ടുണ്ട്.

2001ൽ സിംബാബ്‌വെയ്ക്കെതിരെ 19 റൺസ് മാത്രം വഴങ്ങി വാസ് വീഴ്ത്തിയത് 8 വിക്കറ്റുകൾ. ഏകദിനത്തിൽ 2 ഹാട്രിക്കുകളും വാസിന്റെ പേരിലുണ്ട്. വിരമിച്ച ശേഷം പല ടീമുകളുടെയും ബോളിങ് പരിശീലകനായ വാസ് ഇപ്പോൾ ലങ്ക പ്രിമിയർ ലീഗിൽ കൊളംബോ സ്ട്രൈക്കേഴ്സിനൊപ്പമാണ്. വാസിനും (50) ഭാര്യ വാസനക്കും 3 മക്കളാണുള്ളത്. മകൻ പാസി ശ്രീലങ്കയിലെ ശ്രദ്ധേയനായ യുവസംവിധായകനാണ്.