രോഹിത്തിന്റെ സാന്നിധ്യം ലോകകപ്പിൽ നിർണായകം: യുവരാജ് സിങ്

ന്യൂഡൽഹി∙ സമ്മർദ ഘട്ടങ്ങളിൽ കൃത്യമായ തീരുമാനം എടുക്കാൻ സാധിക്കുന്ന ക്യാപ്റ്റനാണ് രോഹിത് ശർമയെന്നും രോഹിത്തിന്റെ സാന്നിധ്യം വരുന്ന ട്വന്റി20 ലോകകപ്പിൽ നിർണായകമാകുമെന്നും മുൻ ഇന്ത്യൻ താരം യുവരാജ് സിങ്. ‘ സമ്മർദത്തെ എങ്ങനെ കൈകാര്യം ചെയ്യണമെന്ന് കൃത്യമായി അറിയാവുന്ന ക്യാപ്റ്റനാണ് രോഹിത് ശർമ. 5 തവണ ഐപിഎൽ കിരീടം നേടിയ അനുഭവസമ്പത്ത് രോഹിത്തിനുണ്ട്. 

കഴിഞ്ഞ ഏകദിന ലോകകപ്പിൽ ടീമിനെ അദ്ദേഹം ഫൈനൽ വരെ എത്തിച്ചു. ഇത്രയും മികച്ച റെക്കോർഡുള്ള ഒരു താരത്തെ തന്നെയാണ് ട്വന്റ20 ലോകകപ്പിൽ ക്യാപ്റ്റനായി വേണ്ടത്’ യുവരാജ് പറഞ്ഞു.