വീണ്ടും ഗോളടിച്ച് കരിം ബെൻസേമ; വിജയത്തോടെ ബാർസയെ മറികടന്ന് റയൽ മഡ്രിഡ്

മഡ്രിഡ് ∙ സ്പാനിഷ് ലീഗ് ഫുട്ബോളിൽ ഐബറിനെ 2–0നു തോൽപിച്ച് റയൽ മഡ്രിഡ് 2–ാം സ്ഥാനത്തേക്കു കയറി. മാർകോ അസെൻസിയോ, കരിം ബെൻസേമ എന്നിവരാണു ഗോളടിച്ചത്.  അത്‌ലറ്റിക്കോ (28 കളി, 66 പോയിന്റ്), റയൽ (29, 63), ബാർസിലോന (28,62) എന്നിങ്ങനെയാണ് ലീഗ് പട്ടിക. നാളെ റയൽ വല്ലദോലിഡിനെ തോൽപിച്ചാൽ ബാർസയ്ക്ക് വീണ്ടും റയലിനു മുന്നിലെത്താം. ഇന്നു സെവിയ്യയ്ക്കെതിരെ ജയിച്ചാൽ അത്‌ലറ്റിക്കോയ്ക്ക് ഒന്നാം സ്ഥാനത്ത് ലീഡ് ഉയർത്താം.