sections
MORE

49 വർഷം പഴക്കമുള്ള ഗെർഡ് മുള്ളറുടെ റെക്കോർഡിനൊപ്പം ലെവൻഡോവ്സ്കി

Lewandowski
റോബർട്ട് ലെവൻഡോവ്സ്കി
SHARE

മ്യൂണിക് ∙ ജർമൻ ബുന്ദസ് ലിഗ ഫുട്ബോളിൽ ഒരു സീസണിൽ ഏറ്റവുമധികം ഗോൾ എന്ന ഗെർഡ് മുള്ളറുടെ റെക്കോർഡിനൊപ്പം റോബർട്ട് ലെവൻഡോവ്സ്കി. 1971–72 സീസണിൽ ഇതിഹാസ താരം ഗെർഡ് മുള്ളർ ബയൺ മ്യൂണിക് ജഴ്സിയിൽ നേടിയ 40 ഗോൾ നേട്ടത്തിനൊപ്പമാണു ബയൺ താരം തന്നെയായ പോളണ്ടുകാരൻ ലെവൻഡോവ്സ്കിയും എത്തിനിൽക്കുന്നത്.

ഫ്രെയ്ബർഗുമായി 2–2 സമനിലയിൽ പിരിഞ്ഞ മത്സരത്തിന്റെ 26–ാം മിനിറ്റിൽ പെനൽറ്റിയിൽനിന്നായിരുന്നു  നേട്ടം. തുടർച്ചയായ 9–ാം ലീഗ് കിരീടം ഉറപ്പാക്കിയ ബയണിന് 22ന് ഓഗ്സ്ബർഗിനെതിരെ ഒരു കളികൂടി ബാക്കിയുണ്ട്. ഒരു ഗോൾ കൂടി നേടാനായാൽ ലെവനു 49 വർഷം പഴക്കമുള്ള മുള്ളറുടെ റെക്കോർഡ് തിരുത്താം. ബുന്ദസ്‌ലിഗയിൽ 276 ഗോളുകളുമായി എക്കാലത്തെയും ടോപ്സ്കോറർ പട്ടികയിൽ 2–ാം സ്ഥാനത്താണു ലെവൻഡോവ്സ്കി. 365 ഗോളോടെ മുള്ളർ മാത്രമേ മുന്നിലുള്ളൂ.

English Summary: Robert Lewandowski equals Gerd Muller's 40 goal record in Bundesliga

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN FOOTBALL
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

ഒളിംപിക് മെഡൽ ഉന്നമിട്ട് ശ്രീശങ്കറിന്റെ ലോങ് ജംപ്

MORE VIDEOS
FROM ONMANORAMA