ഐഎഫ്എ ഷീൽഡ് ഫുട്ബോൾ: ഗോകുലം കേരള സെമിയിൽ വീണു

കൊൽക്കത്ത∙ ഐഎഫ്എ ഷീൽഡ് ഫുട്ബോൾ ടൂർണമെന്റ് സെമിഫൈനലിൽ റിയൽ കശ്മീർ എഫ്സിക്കെതിരെ ഗോകുലം കേരള എഫ്സിക്കു തോൽവി (2–1). മത്സരത്തിൽ 62 ശതമാനം പൊസഷൻ ഉണ്ടായിട്ടും ഗോളവസരങ്ങൾ സൃഷ്ടിക്കാൻ സാധിക്കാതിരുന്നതാണു ഗോകുലത്തിനു വിനയായത്.

റിയൽ കശ്മീരിനായി 23–ാം മിനിറ്റിൽ മേസൺ ലീ റോബർട്സണും 31–ാം മിനിറ്റിൽ തോയ് സിങ്ങുമാണ് ഗോളുകൾ നേടിയത്. ആദ്യ പകുതിയുടെ ഇൻജറി ടൈമിൽ റോബിൻ സിങ്ങിലൂടെ ഗോകുലം ഏക ഗോൾ നേടി.

English Summary: IFA Shield 2021 Semi Final: Real Kashmir FC vs gokulam Kerala FC