ചാംപ്യൻസ് ലീഗ്: റയൽ– ചെൽസി രണ്ടാം പാദം ഇന്ന്

മഡ്രിഡ് ∙ ആദ്യപാദത്തിൽ നേടിയ 3–1 ജയത്തിന്റെ ആത്മവിശ്വാസത്തിൽ ചാംപ്യൻസ് ലീഗ് ക്വാർട്ടർ ഫൈനൽ 2–ാം പാദത്തിൽ റയൽ മഡ്രിഡ് ഇന്നു ചെൽസിക്കെതിരെ. റയലിന്റെ മൈതാനമായ സാന്തിയാഗോ ബെർണബ്യൂവിലാണ് മത്സരം. മറ്റൊരു മത്സരത്തിൽ സ്വന്തം സ്റ്റേഡിയമായ അലിയാൻസ് അരീനയിൽ ജർമൻ ക്ലബ് ബയൺ മ്യൂണിക് സ്പാനിഷ് ക്ലബ് വിയ്യാറയലിനെ നേരിടും. ആദ്യപാദത്തിൽ വിയ്യാറയൽ 1–0നു ജയിച്ചിരുന്നു. ഇന്ത്യൻ സമയം രാത്രി 12.30നാണ് 2 മത്സരങ്ങളും. സോണി ടെൻ ചാനലുകളിൽ തത്സമയം.

English Summary: Champions league: Real madrid vs Chelsea