ഷോപ്പിങ് മാൾ മുതൽ വിമാനത്താവളം വരെ ആഘോഷം
![qatar-world-cup-celebrations- qatar-world-cup-celebrations-](https://img-mm.manoramaonline.com/content/dam/mm/mo/sports/other-sports/images/2022/8/15/qatar-world-cup-celebrations..jpg?w=1120&h=583)
Mail This Article
×
ദോഹ ∙ ഫുട്ബോൾ ആരാധകർക്ക് ഇരട്ടിമധുരം സമ്മാനിച്ച് ഖത്തറിൽ ഫിഫ ലോകകപ്പിന്റെ 100 ദിന കൗണ്ട് ഡൗൺ ആഘോഷങ്ങൾ സമാപിച്ചു. ദോഹയിലെ 3 ഷോപ്പിങ് മാളുകളിലായിരുന്നു 3 ദിവസത്തെ ആഘോഷം. വിവിധ മത്സരങ്ങളിൽ വിജയികളായ 8 പേർക്ക് ഖത്തറും ഇക്വഡോറും തമ്മിലുള്ള ലോകകപ്പ് ഉദ്ഘാടന മത്സരത്തിന്റെ ടിക്കറ്റ് സമ്മാനമായി ലഭിച്ചു. ഖത്തറിന്റെ പരമ്പരാഗത സംഗീതവും നൃത്തവും കോർത്തിണക്കിയുള്ള കലാ-സാംസ്കാരിക പരിപാടികളും ഇ-ഗെയിമുകളുമായിരുന്നു കൗണ്ട് ഡൗൺ ആഘോഷങ്ങളിൽ പ്രധാനപ്പെട്ടത്.
ശനിയാഴ്ച മാൾ ഓഫ് ഖത്തറിൽ നടന്ന ഗ്രാൻഡ് ഫിനാലെയിൽ പങ്കെടുക്കാൻ ഇഷ്ട ടീമുകളുടെ ജഴ്സി ധരിച്ചാണ് ആരാധകർ കൂട്ടത്തോടെ എത്തിയത്. വെള്ളിയാഴ്ച ഹമദ് രാജ്യാന്തര വിമാനത്താവളത്തിലും കൗണ്ട് ഡൗൺ ആഘോഷങ്ങൾ അരങ്ങേറി.
Content Highlight: Qatar World cup, Football
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.