അത്‌ലറ്റിക്കോയ്ക്ക് അഞ്ചാം ജയം; റയലിന് അരികെ

മഡ്രിഡ് ∙ സ്പാനിഷ് ലീഗ് ഫുട്ബോളിൽ തുടർച്ചയായ അഞ്ചാം ജയത്തോടെ അത്‌ലറ്റിക്കോ മഡ്രിഡ് രണ്ടാം സ്ഥാനക്കാരായ റയൽ മഡ്രിഡിനു തൊട്ടു പിന്നിലെത്തി. റയോ വയ്യെക്കാനോയെ 2–1നു തോൽപിച്ച അത്‌ലറ്റിക്കോയ്ക്ക് 28 കളികളിൽ 57 പോയിന്റായി. റയലിന് അത്രയും കളികളിൽ 59 പോയിന്റ്. 27 കളികളിൽ 71 പോയിന്റുള്ള ബാർസിലോനയാണ് ഒന്നാം സ്ഥാനത്ത്. നഹുവൽ മൊളീന (22–ാം മിനിറ്റ്), മരിയോ ഹെർമോസോ (24) എന്നിവരാണ് അത്‌ലറ്റിക്കോയുടെ ഗോളുകൾ നേടിയത്. കഴി‍ഞ്ഞ 11 മത്സരങ്ങളിൽ അത്‌ലറ്റിക്കോയുടെ 9–ാം ജയമാണിത്.

English Summary: Fifth win for Atletico de Madrid