അർമാൻഡോ സാദിഖു മോഹൻ ബഗാൻ സൂപ്പർ ജയന്റ്സിൽ

കൊൽക്കത്ത ∙ അൽബേനിയൻ സെന്റർ ഫോർവേഡ് അർമാൻഡോ സാദിഖുവിനെ ടീമിലെത്തിച്ച് മോഹൻ ബഗാൻ. ഫ്രഞ്ച് താരം യൂഗോ ബോമസ്, ഓസ്ട്രേലിയയുടെ ദിമിത്രി പ്രിറ്റോറിയസ് എന്നിവർക്കൊപ്പം മുപ്പത്തിരണ്ടുകാരനായ സാദിഖു കൂടി ചേരുന്നതോടെ നിലവിലെ ഇന്ത്യൻ സൂപ്പർ ലീഗ് ഫുട്ബോൾ (ഐഎസ്എൽ) ചാംപ്യൻമാരായ ബഗാന്റെ മുന്നേറ്റനിര കൂടുതൽ ശക്തമാകും. രണ്ടുവർഷത്തേക്കാണ് ബഗാനുമായി സാദിഖു കരാർ ഒപ്പിട്ടിരിക്കുന്നത്. 2016 യൂറോ കപ്പിൽ റുമാനിയയ്ക്കെതിരെ അൽബേനിയ നേടിയ ചരിത്ര വിജയത്തിന് വഴിയൊരുക്കിയത് സാദിഖു നേടിയ ഗോളായിരുന്നു.

English Summary: Armando Sadiqu in Bagan