ക്ലബ്ബുകൾ വിട്ടില്ല; ഏഷ്യൻ ഗെയിംസ് ഫുട്ബോളിന് ഛേത്രി ഒഴികെയുള്ള സീനിയർ താരങ്ങളില്ല
![sunil-chhetri സുനിൽ ഛേത്രി (Photo: AIFF)](https://img-mm.manoramaonline.com/content/dam/mm/mo/sports/football/images/2023/9/14/sunil-chhetri.jpg?w=1120&h=583)
Mail This Article
ന്യൂഡൽഹി ∙ സീനിയർ താരം സുനിൽ ഛേത്രിയെ ഉൾപ്പെടുത്തി ഏഷ്യൻ ഗെയിംസിനുള്ള പതിനേഴംഗ ഇന്ത്യൻ ഫുട്ബോൾ ടീമിനെ ഓൾ ഇന്ത്യ ഫുട്ബോൾ ഫെഡറേഷൻ പ്രഖ്യാപിച്ചു. പ്രധാന താരങ്ങളെ ഉൾപ്പെടുത്തി 22 അംഗ ടീമിനെ ഫെഡറേഷൻ നേരത്തെ പ്രഖ്യാപിച്ചിരുന്നു. എന്നാൽ ഐഎസ്എൽ ക്ലബ്ബുകൾ താരങ്ങളെ വിട്ടുനൽകില്ലെന്ന് അറിയിച്ചതോടെ ഛേത്രിയുൾപ്പെടെ പ്രധാന താരങ്ങൾ ടീമിൽ ഉണ്ടാകില്ലെന്നു റിപ്പോർട്ട് ഉണ്ടായിരുന്നു.
ഛേത്രിയെ ടീമിൽ ഉൾപ്പെടുത്തിയെങ്കിലും ഗോൾ കീപ്പർ ഗുർപ്രീത് സിങ് സന്ധു, പ്രതിരോധ താരം സന്ദേശ് ജിങ്കാൻ തുടങ്ങിയവർ ടീമിലില്ല. മലയാളി താരങ്ങളായ കെ.പി.രാഹുലും അബ്ദുൽ റബീഹും ടീമിലുണ്ട്.19 മുതലാണ് ഏഷ്യൻ ഗെയിംസ് ഫുട്ബോൾ മത്സരങ്ങൾ ആരംഭിക്കുന്നത്. 16ന് ടീം പുറപ്പെടണം. ഈ സാഹചര്യത്തിൽ ഗുർപ്രീതും ജിങ്കാനും ഉൾപ്പെടെയുള്ള സീനിയർ താരങ്ങളെ വിട്ടുകിട്ടാൻ ഫെഡറേഷൻ പരമാവധി ശ്രമിച്ചെങ്കിലും ക്ലബ്ബുകൾ വഴങ്ങാത്ത സാഹചര്യത്തിലാണ് ഛേത്രിയുടെ നേതൃത്വത്തിൽ ജൂനിയർ താരങ്ങളെ ഉൾപ്പെടുത്തി ടീം പ്രഖ്യാപിച്ചത്.
ടീം: സുനിൽ ഛേത്രി, ഗുർമീത് സിങ്, ധീരജ് സിങ്, സുമിത് രതി, നരേന്ദർ ഗെലോട്ട്, അമർജിത് സിങ് കിയാം, സാമുവൽ ജയിംസ്, കെ.പി.രാഹുൽ, അബ്ദുൽ റബീഹ്, ആയുഷ് ദേവ് ഛേത്രി, ബ്രെയ്സ് മിറാൻഡ, അസ്ഫർ നൂറാനി, റഹിം അലി, വിൻസി ബാരെറ്റോ, രോഹിത് ധനു, ഗുർകീരത് സിങ്, അനികേത് ജാദവ്.
English Summary : Sunil Chhetri the only senior player In Indian Football Team for the Asian Games