മിലാനെ തകർത്ത് ഇന്റർ

മിലാൻ ∙ ഇറ്റാലിയൻ സീരി എ ഫുട്ബോളിലെ ‘മിലാൻ ഡാർബി’യിൽ ഇന്റർ മിലാന് വൻജയം. സാൻ സിറോ സ്റ്റേഡിയത്തിൽ എസി മിലാനെ 5–1നാണ് ഇന്റർ തകർത്തുവിട്ടത്. ഹെൻറിക് മഖിതെര്യാൻ (5,69 മിനിറ്റുകൾ) ഇന്ററിനായി ഇരട്ടഗോൾ നേടി. മാർക്കസ് തുറാം (38), ഹാകൻ കലനോലു (79, പെനൽറ്റി), ഡേവിഡ് ഫ്രറ്റേസി (90+3) എന്നിവരാണ് മറ്റു സ്കോറർമാർ. റാഫേൽ ലിയാവോ (59–ാം മിനിറ്റ്) എസി മിലാന്റെ ആശ്വാസഗോൾ നേടി. പോയിന്റ് പട്ടികയിൽ ഇന്റർ ഒന്നാം സ്ഥാനത്തും എസി മിലാൻ 4–ാം സ്ഥാനത്തുമാണ്.

English Summary: Inter Milan beat AC Milan in Serie A