നെയ്മാറിനും കാമുകിക്കും പെൺകുഞ്ഞ് പിറന്നു, മാവിയെന്ന് പേരിട്ട് സൂപ്പർ താരം

റിയാദ്∙ സൗദി പ്രോ ലീഗ് ക്ലബ് അല്‍ഹിലാലിന്റെ ബ്രസീല്‍ സൂപ്പര്‍താരം നെയ്മാറിനും കാമുകി ബ്രൂണ ബിയാന്‍കാര്‍ഡിക്കും പെൺകുഞ്ഞ് പിറന്നു. നെയ്മാർ തന്നെയാണ് സമൂഹമാധ്യമത്തിൽ ഇക്കാര്യം അറിയിച്ചത്. ‘‘ഞങ്ങളുടെ ജീവിതം പൂർത്തിയാക്കാൻ ഞങ്ങളുടെ മാവി എത്തി’’–എന്ന് നെയ്മാർ പ്രതികരിച്ചു.

‘‘സ്വാഗതം, മകളേ, നീ ഞങ്ങൾക്ക് വളരെ പ്രിയപ്പെട്ടതാണ്. ഞങ്ങളെ തിരഞ്ഞെടുത്തതിന് നന്ദി’’– എന്നും നെയ്മാർ സമൂഹമാധ്യമത്തിൽ കുറിച്ചു.

ബ്രൂണ ബിയാൻകാർഡിയും തന്റെ ഔദ്യോഗിക ഇൻസ്റ്റഗ്രാം അക്കൗണ്ടിൽ കുഞ്ഞിനെ സ്വാഗതം ചെയ്തു. ഇരുവരും മകൾ മാവിയെ കൈകളിൽ പിടിച്ചിരിക്കുന്ന ചിത്രങ്ങളും പങ്കിട്ടു.

മാസങ്ങൾക്കു മുൻപാണ് നെയ്മാർ സൗദി പ്രോ ലീഗ് ക്ലബ്ബിൽ ചേർന്നത്. ഫ്രഞ്ച് ക്ലബ് പിഎസ്ജിയിൽ നിന്നാണ് നെയ്മാറുടെ വരവ്.