ഗോകുലത്തെ കീഴടക്കി മുംബൈ സിറ്റി എഫ്സി
Mail This Article
×
ഭുവനേശ്വർ ∙ അവസാനനിമിഷം കളി കൈവിട്ട് ഗോകുലം കേരള എഫ്സി. കലിംഗ സൂപ്പർ കപ്പ് ഫുട്ബോളിലെ ഗ്രൂപ്പ് സി ആദ്യ മത്സരത്തിൽ മുംബൈ സിറ്റി എഫ്സി 2–1ന് ഗോകുലം കേരള എഫ്സിയെ തോൽപിച്ചു. മത്സരത്തിൽ രണ്ടാം പകുതിയുടെ അവസാനം വരെ മുന്നിട്ടുനിന്ന ശേഷമാണ് ഗോകുലത്തിന്റെ തോൽവി. 23ാം മിനിറ്റിൽ ക്യാപ്റ്റൻ അലക്സ് സാഞ്ചസ് ഗോൾ കണ്ടെത്തിയതോടെ ആദ്യപകുതിയിൽ ഗോകുലം മുന്നിലെത്തി. പക്ഷേ 76ാം മിനിറ്റിൽ എൽ ഖയാത്തിയുടെ പാസിൽനിന്ന് ആയുഷ് ഛികാര മുംബൈയ്ക്കായി സമനില ഗോൾ നേടി.
കളി സമനിലയാകുമെന്ന് കരുതിയ നേരത്തു മുംബൈയ്ക്കു കിട്ടിയ പെനൽറ്റിയാണ് വഴിത്തിരിവായത്. ഇൻജറി ടൈമിൽ മുംബൈയുടെ അബ്ദന്നാസർ അൽ ഖയാത്തിയുടെ പെനൽറ്റി കിക്ക് ലക്ഷ്യം കണ്ടതോടെ മുംബൈയ്ക്ക് അപ്രതീക്ഷിത വിജയം. 16ന് ഗോകുലം ചെന്നൈയിൻ എഫ്സിയെ നേരിടും.
English Summary:
Mumbai City FC defeated Gokulam
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.