സന്തോഷ് ട്രോഫി അരുണാചലിൽ; ഫെബ്രുവരി 21 മുതൽ മാർച്ച് 9 വരെ

ന്യൂഡൽഹി ∙ അരുണാചൽ പ്രദേശ് ചരിത്രത്തിലാദ്യമായി ആതിഥ്യം വഹിക്കുന്ന സന്തോഷ് ട്രോഫി ഫുട്ബോൾ ടൂർണമെന്റിന്റെ മത്സരക്രമം പ്രഖ്യാപിച്ചു. ഇറ്റാനഗറിലെ യുപിയ ഗോൾഡൻ ജൂബിലി സ്റ്റേഡിയത്തിൽ ഫെബ്രുവരി 21 മുതൽ മാർച്ച് 9 വരെ നടക്കുന്ന ചാംപ്യൻഷിപ്പിൽ കേരളം ഉൾപ്പെടെ 12 ടീമുകളാണു പങ്കെടുക്കുന്നത്. 6 ടീമുകൾ വീതമുള്ള 2 ഗ്രൂപ്പുകളിലായാണു മത്സരങ്ങൾ. ഓരോ ഗ്രൂപ്പിലെയും ആദ്യ 4 സ്ഥാനക്കാർ ക്വാർട്ടർ ഫൈനലിനു യോഗ്യത നേടുന്ന രീതിയിലാണ് മത്സരക്രമം. 

ഗ്രൂപ്പ് എ: അരുണാചൽ, മേഘാലയ, ഗോവ, അസം, സർവീസസ്, കേരളം.

ഗ്രൂപ്പ് ബി:കർണാടക, മഹാരാഷ്ട്ര, ഡൽഹി, മണിപ്പുർ, മിസോറം, റെയിൽവേസ്.

കേരളത്തിന്റെ മത്സരങ്ങൾ

ഫെബ്രുവരി 21 ഉച്ചകഴിഞ്ഞ് 2.30: അസം

ഫെബ്രുവരി 23 വൈകിട്ട് 7: ഗോവ

ഫെബ്രുവരി 25 ഉച്ചകഴിഞ്ഞ് 2.30: മേഘാലയ

ഫെബ്രുവരി 28 ഉച്ചകഴിഞ്ഞ് 2.30: അരുണാചൽ

മാർച്ച് 1 രാവിലെ 10: സർവീസസ്