ഗോളടിക്കുന്ന ഗോൾ കീപ്പർ, പാരഗ്വായുടെ ഹോസെ ലൂയിസ് ചിലാവർട്ട് ഇവിടെയുണ്ട്

തനിക്കു കിട്ടിയ വ്യക്തിഗത പുരസ്കാരങ്ങൾക്ക് അരികെ നിൽക്കുന്ന ഈ മുൻ ഫുട്ബോൾ താരത്തെ തിരിച്ചറിയാൻ ഒരു വിശേഷണം മാത്രം മതി- ഗോളടിക്കുന്ന ഗോൾകീപ്പർ. പാരഗ്വായുടെ ഇതിഹാസതാരമായ ഹോസെ ലൂയിസ് ചിലാവർട്ട് ആണിത്. 1998, 2002 ലോകകപ്പുകളിൽ പാരഗ്വായുടെ ക്യാപ്റ്റനായിരുന്ന ചിലാവർട്ട് 74 രാജ്യാന്തര മത്സരങ്ങളിൽനിന്നു നേടിയത് 8 ഗോളുകൾ!

ക്ലബ് കരിയർകൂടി കണക്കിലെടുത്താൽ 67 ഗോളുകൾ ചിലാവർട്ടിന്റെ പേരിലുണ്ട്. ക്ലബ് ഫുട്ബോളിൽ ഹാട്രിക് നേടിയ 3 ഗോൾകീപ്പർമാരിൽ ഒരാൾ കൂടിയാണ് സെറ്റ് പീസ് സ്പെഷലിസ്റ്റായിരുന്ന ചിലാവർട്ട്. അർജന്റീന ക്ലബ് വെലസ് സർവ്ഫീൽഡിനു വേണ്ടിയായിരുന്നു ആ അപൂർവ നേട്ടം. കഴിഞ്ഞവർഷം പാരഗ്വായ് പ്രസിഡന്റ് സ്ഥാനത്തേക്കു ചിലാവർട്ട് (58) മത്സരിച്ചു പരാജയപ്പെട്ടു.