അർജന്റീന ഫുട്ബോൾ താരം ഏയ്ഞ്ചൽ ഡി മരിയയ്ക്ക് വധഭീഷണി

ബ്യൂണസ് ഐറിസ് ∙ അർജന്റീന ഫുട്ബോൾ താരം ഏയ്ഞ്ചൽ ഡി മരിയയ്ക്കു വധഭീഷണി. സ്വന്തം നാടായ റൊസാരിയോയിലെ പ്രാദേശിക ക്ലബ്ബിൽ കളിക്കാൻ തീരുമാനിച്ചാൽ ഡി മരിയയെയും കുടുംബത്തെയും വധിക്കുമെന്നായിരുന്നു അജ്ഞാത സംഘത്തിന്റെ ഭീഷണി.

നിലവിൽ പോർച്ചുഗൽ ക്ലബ്ലായ ബെൻഫിക്കയിലാണ് മുപ്പത്തിയാറുകാരനായ ഡി മരിയ കളിക്കുന്നത്. താൻ കളിച്ചുവളർന്ന റൊസാരിയോ സെൻട്രൽ ക്ലബ്ബിൽ വീണ്ടും കളിക്കാൻ താൽപര്യമുണ്ടെന്ന് കഴിഞ്ഞ ദിവസം ഡി മരിയ പറഞ്ഞിരുന്നു. ഇതിനു പിന്നാലെയാണ് വധഭീഷണി എത്തിയത്.