സ്പോർട്സ് എക്സ്പോ നാളെ മുതൽ
Mail This Article
×
തിരുവനന്തപുരം∙ കായികോപകരണങ്ങളുടെ വിപണനസാധ്യതകൾക്കു വേദിയൊരുക്കി കായികവകുപ്പ് സംഘടിപ്പിക്കുന്ന ഇന്റർനാഷനൽ സ്പോർട്സ് എക്സിബിഷൻ നാളെ മുതൽ 9 വരെ ജിമ്മി ജോർജ് സ്റ്റേഡിയത്തിൽ. മന്ത്രി ഇ.പി.ജയരാജൻ ഉദ്ഘാടനം ചെയ്യും. നൂറിലേറെ കായികോപകരണ നിർമാതാക്കളുടെ ആയിരത്തിലധികം ഉല്പന്നങ്ങളാണ് പ്രദർശനത്തിനുള്ളത്.
കായികവിപണന രംഗത്തുള്ളവർക്ക് പ്രമുഖ കായികോപകരണദാതാക്കളുമായി ആശയവിനിമയം നടത്താനുള്ള അവസരമാണിതെന്ന് കായികവകുപ്പ് പ്രിൻസിപ്പൽ സെക്രട്ടറി ഡോ.എ.ജയതിലക് പറഞ്ഞു. കായികമേഖലയിലെ സാമൂഹ്യപ്രതിബദ്ധതാ പ്രവർത്തനങ്ങൾ, കായിക വിപണനം, സ്റ്റാർട്ടപ്പ് സംരംഭങ്ങളുടെ സാധ്യതകൾ എന്നിവ സമ്മേളനത്തിൽ അവതരിപ്പിക്കുമെന്ന് കായികവകുപ്പ് ഡയറക്ടർ സഞ്ജയൻ കുമാർ പറഞ്ഞു. വിവിധ കായികവിനോദങ്ങളും സംഘടിപ്പിച്ചിട്ടുണ്ട്. വിവരങ്ങൾക്ക് ഫോൺ: 7356881995
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
