കോട്ടയം ∙ മലയാള മനോരമ പ്രമുഖ ടിഎംടി നിർമാതാക്കളായ മെറ്റ്കോൺ ടിഎംടിയുടെ സഹകരണത്തോടെ സംഘടിപ്പിച്ച വടംവലിമേളം കോട്ടയം മേഖലാ മത്സരത്തിൽ കിങ്സ് വലവൂരിനു രാജകീയ ജയം. ആലപ്പുഴ, ഇടുക്കി, പത്തനംതിട്ട, കോട്ടയം ജില്ലകളിൽ നിന്നുള്ള 8 ടീമുകൾ പങ്കെടുത്ത ആവേശപ്പോരാട്ടത്തിൽ കിങ്സ് വലവൂർ ടീം ഒന്നാം സ്ഥാനം നേടി. 

യുവ ഫ്രൻഡ്സ് അടിമാലി, കെസിവൈഎം ജയ്ഗിരി, മീനച്ചിൽ സെവൻസ് എന്നീ ടീമുകൾ യഥാക്രമം രണ്ട്, മൂന്ന്, നാല് സ്ഥാനങ്ങൾ നേടി. ആദ്യ 4 സ്ഥാനക്കാർ 15നു കൊച്ചിയിൽ നടക്കുന്ന ഗ്രാൻഡ് ഫിനാലെയി‍ൽ മത്സരിക്കും.

വടംവലി മേളം ഇന്നു തൃശൂരിൽ 

വടംവലി മേളം തൃശൂർ മേഖലാ മത്സരം ഇന്നു നടക്കും. വൈകിട്ട് 6ന് ബാനർജി ക്ലബ്ബിനു മുന്നിലുള്ള വടക്കുംനാഥൻ ഗ്രൗണ്ടിൽ നടക്കുന്ന മത്സരത്തിൽ എറണാകുളം, തൃശൂർ, പാലക്കാട് ജില്ലകളിൽനിന്നുള്ള 10 ടീമുകൾ പങ്കെടുക്കും. ആദ്യ 4 സ്ഥാനക്കാർ 15നു കൊച്ചിയിൽ നടക്കുന്ന ഗ്രാൻഡ് ഫിനാലെയ്ക്കു യോഗ്യത നേടും.

English Summary: Vadam-vali-melam-kings-valavoor