എംആർഎഫ് യൂറോപ്യൻ റാലിയിലേക്കും

ചെന്നൈ ∙ ഏഷ്യാ പസിഫിക് റാലി ചാംപ്യൻഷിപ്പിലെ തുടർച്ചയായ നേട്ടങ്ങൾക്കു ശേഷം ടീം എംആർഎഫ് ടയേഴ്സ്, പ്രശസ്തമായ യൂറോപ്യൻ റാലി ചാംപ്യൻഷിപ്പിൽ മത്സരിക്കാനിറങ്ങുന്നു. ചാപ്യൻഷിപ്പിന്റെ ഈ സീസണിലെ 6 റൗണ്ടുകളിലും എംആർഎഫ് മത്സരിക്കും. വെള്ളിയാഴ്ചയാണു ചാംപ്യൻഷിപ്പിലെ ആദ്യ റൗണ്ട് പോരാട്ടമായ റാലി ഡി റോമ കാപിറ്റാലെ. 

വേൾഡ് റാലി ചാംപ്യൻഷിപ്പിൽ മികവ്തെുളിയിച്ച ഐറിഷ് താരം ക്രെയ്ഗ് ബ്രീനും പോൾ നാഗിലുമാണു ടീം എംആർഎഫ് ടയേഴ്സ് ഹ്യൂണ്ടായ് ഐ20 ആർ5നു വേണ്ടി ട്രാക്കിലിറങ്ങുക. യൂറോപ്യൻ റാലി ചാംപ്യൻഷിപ് കാറ്റഗറി ഒന്നിൽ ഫിൻലൻഡ് ജോടികളായ എമിൽ ലിൻഡ്‌ഹോം-മെക്കൽ കൊർഹോനൻ സഖ്യം എംആർഎഫ് ടയേഴ്സ് സ്കോഡ ഫാബിയ ആർ5 ഇവോ2 ടീമിനായി മത്സരിക്കും. ഏഷ്യാ പസിഫിക് റാലി ചാംപ്യൻഷിപ്പിൽ എംഎർആഫ് 9 തവണ കിരീടം ചൂടിയിട്ടുണ്ട്.