sections
MORE

സിന്ധു സെമിയിൽ വീണു; ചോചുവോങ്ങിനോട് നേരിട്ടുള്ള സെറ്റുകൾക്ക് തോറ്റു

pv-sindhu
പി.വി. സിന്ധു (ഫയൽ ചിത്രം)
SHARE

ബർമിങ്ങാം ∙ ഇന്ത്യൻ താരം പി.വി.സിന്ധു ഓൾ ഇംഗ്ലണ്ട് ബാഡ്മിന്റൻ ചാംപ്യൻഷിപ്പിന്റെ സെമിഫൈനലിൽ പുറത്ത്. തായ്‌ലൻഡിന്റെ 6–ാം സീഡ് പോൺപവീ ചോചുവോങ്ങാണു സിന്ധുവിനെ തോൽപിച്ചത്. സ്കോർ: 17–21, 9–21. ക്വാർട്ടറിൽ ജപ്പാന്റെ അകാനെ യമാഗുച്ചിയെ തോൽപിച്ചെത്തിയ സിന്ധുവിനു ചോചുവോങ്ങിനെതിരെ അതേ മികവു പുറത്തെടുക്കാനായില്ല. 

ജനുവരിയിൽ ലോക ടൂർ ഫൈനൽസിൽ ചോചുവോങ്ങിനെ തോൽപിച്ച സിന്ധു ഇത്തവണ ഇരുപത്തിമൂന്നുകാരിയായ എതിരാളിയുടെ അതിവേഗത്തിനു മുന്നിലാണു വീണുപോയത്. ആദ്യ ഗെയിമിൽ സിന്ധു 3–1നു ലീഡ് എടുത്തെങ്കിലും ചോചുവോങ് തിരിച്ചടിച്ചു. 8–5നു മുന്നിലെത്തിയ തായ്‌ലൻഡ് താരം അവസാനം വരെ ലീഡ് കൈവിട്ടില്ല. 2–ാം ഗെയിമിൽ ചോചുവോങ് 10–3 എന്ന നിലയിൽ ലീഡെടുത്തതോടെ സിന്ധുവിന്റെ പ്രതീക്ഷ പൊലിഞ്ഞു. 

English Summary: All England Open Badminton semifinal match between PV Sindhu and Pornpawee Chochuwong

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN OTHER SPORTS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA