മത്സരിക്കാൻ മുൻമന്ത്രി ജയലക്ഷ്മിയുടെ സഹോദരനും

തിരുവനന്തപുരം ∙ കേരള ഗെയിംസ് ആർച്ചറി മത്സരങ്ങൾ ഇന്ന് ആരംഭിക്കുമ്പോൾ മെഡലിലേക്ക് ഉന്നംവച്ച് മുൻമന്ത്രി പി.കെ.ജയലക്ഷ്മിയുടെ സഹോദരനും. ജയലക്ഷ്മിയുടെ സഹോദരങ്ങളിൽ ഇളയവനായ പി.കെ.ജയകുമാർ ഇന്ത്യൻ റൗണ്ട് വിഭാഗത്തിലാണു മത്സരിക്കുന്നത്. ആർച്ചറി ദേശീയ ചാംപ്യൻഷിപ്പിൽ കഴിഞ്ഞ 7 വർഷമായി ജയകുമാർ കേരളത്തിനായി മത്സരിക്കുന്നുണ്ട്. 

വയനാട് മാനന്തവാടി വാളാട് പാലോട്ട് വീട്ടിലെ 6 സഹോദരങ്ങളിൽ പി.കെ.ജയലക്ഷ്മി ഉൾപ്പെടെ 4 പേർ അമ്പെയ്ത്ത് താരങ്ങളാണ്.  തിരുവനന്തപുരത്തു സിവിൽ സർവീസ് പരീക്ഷാ പരിശീലനം നടത്തുന്ന ജയകുമാർ ഗെയിംസിൽ തലസ്ഥാന ജില്ലയ്ക്കു വേണ്ടിയാണ് മത്സരിക്കുന്നത്.

Content Highlights: Kerala games, Archery