22 പേർക്കുകൂടി സ്പോർട്സ് ക്വോട്ട നിയമനം
Mail This Article
×
തിരുവനന്തപുരം∙ സർക്കാർ സർവീസിൽ 22 കായിക താരങ്ങൾക്ക് കൂടി സ്പോർട്സ് ക്വോട്ട നിയമനം. ആരോഗ്യ വകുപ്പിൽ 8 പേർക്കും പൊലീസ്, സാമൂഹിക നീതി വകുപ്പിൽ 7 പേർക്കു വീതവുമാണു ക്ലാർക്ക് തസ്തികയിൽ നിയമനം ലഭിച്ചത്.
2010–14 കാലഘട്ടത്തിലെ സ്പോർട്സ് ക്വോട്ടയിൽ ജോലി ലഭിക്കാൻ ബാക്കിയുണ്ടായിരുന്ന 41 പേരിൽ ഉൾപ്പെട്ട താരങ്ങളാണിവർ. ഇനി 19 പേർക്കുകൂടി നിയമനം ലഭിക്കാനുണ്ട്. ഇതിൽ 12 പേർക്കു തദ്ദേശ വകുപ്പിലും 7 പേർക്കു റവന്യു വകുപ്പിലുമാണ് നിയമനം ലഭിക്കേണ്ടത്. ദേശീയ യൂണിവേഴ്സിറ്റി ചാംപ്യൻഷിപ്പിൽ കേരളത്തിലെ സർവകലാശാലകൾക്കായി മെഡൽ നേടിയ താരങ്ങളാണിവർ.
അർഹമായ ജോലി ലഭിക്കാത്തതിനെത്തുടർന്ന് ഇവർ 2 മാസം മുൻപ് വീണ്ടും സെക്രട്ടേറിയറ്റിനു മുന്നിൽ സമരം നടത്തിയതിനെത്തുടർന്നാണു നിയമനം നൽകാൻ മന്ത്രിസഭാ യോഗം തീരുമാനിച്ചത്.
English Summary:
Sports quota appointment
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
