ഒളിംപിക്സ് 
യോഗ്യതയില്ല; കെന്റോ മൊമോട്ടോ വിരമിച്ചു

ടോക്കിയോ ∙ പാരിസ് ഒളിംപിക്സിനു യോഗ്യത നേടാൻ കഴിയാതെ വന്നതോടെ, ബാഡ്മിന്റൻ കരിയർ അവസാനിപ്പിക്കുകയാണെന്ന് ജപ്പാന്റെ മുൻ ലോക ഒന്നാം നമ്പർ താരമായ കെന്റോ മൊമോട്ടോ പ്രഖ്യാപിച്ചു. 2018,2019 ലോകചാംപ്യൻഷിപ് ജേതാവാണ് ഇരുപത്തൊമ്പതുകാരനായ മൊമോട്ടോ. 2020ൽ മലേഷ്യയിലുണ്ടായ വാഹനാപകടത്തിൽ പരുക്കേറ്റതിനു ശേഷം പഴയ ഫോമിലേക്ക് എത്താൻ പറ്റാതെ പോയ മൊമോട്ടോ ലോകറാങ്കിങ്ങിൽ ഇപ്പോൾ 52–ാം സ്ഥാനത്താണ്. ചൂതാട്ടത്തിന്റെ പേരിൽ സസ്പെൻഷൻ നേരിട്ടതിനാൽ കെന്റോ മൊമോട്ടയ്ക്കു 2016 റിയോ ഒളിംപിക്സും നഷ്ടമായിരുന്നു.