അപ് അപ് ഹാലെപ്; നദാൽ മൂന്നാം റൗണ്ടിൽ, വോസ്നിയാക്കി പുറത്ത്
Mail This Article
ലണ്ടൻ ∙ മുൻ ലോക ഒന്നാം നമ്പർ താരങ്ങളുടെ പോരാട്ടത്തിൽ വിക്ടോറിയ അസറെങ്കയെ വീഴ്ത്തി റുമാനിയൻ താരം സിമോണ ഹാലെപ് വിമ്പിൾഡൻ ടെന്നിസ് നാലാം റൗണ്ടിൽ കടന്നു (6–3,6–1). പുരുഷന്മാരിൽ കെവിൻ ആൻഡേഴ്സനും വനിതകളിൽ കരോളിൻ വോസ്നിയാക്കിയും പുറത്തായി.
ഓസ്ട്രേലിയൻ താരം നിക്ക് കിർജിയോസിനെ 4 സെറ്റ് നീണ്ട പോരാട്ടത്തിൽ മറികടന്ന് റാഫേൽ നദാൽ മൂന്നാം റൗണ്ടിലെത്തി (3–6,6–3,6–7,6–7). കഴിഞ്ഞ വർഷത്തെ ഫൈനലിസ്റ്റായ ദക്ഷിണാഫ്രിക്കൻ താരം ആൻഡേഴ്സൻ അർജന്റീനയുടെ ഗുയിഡോ പെല്ലയോടാണ് നേരിടുള്ള സെറ്റുകളിൽ തോറ്റത് (6–4,6–3,7–6). ചൈനയുടെ സീഡില്ലാ താരം ഷാങ് ഷുവായ്ക്കു മുന്നിലാണ് മുൻ ലോക ഒന്നാം നമ്പർ വോസ്നിയാക്കി വീണത് (6–4,6–2).
കഴിഞ്ഞ റൗണ്ടിൽ സ്റ്റാൻ വാവ്റിങ്കയെ അട്ടിമറിച്ച അമേരിക്കയുടെ ഉയരക്കാരൻ താരം റെയ്ലി ഒപെൽക മൂന്നാം റൗണ്ടിൽ മിലോസ് റാവോനികിനു മുന്നിൽ വീണു (7–6,6–2,6–1). സിംഗിൾസിൽ നിന്നു വിട്ടുനിൽക്കുന്ന മുൻ ലോക ഒന്നാം നമ്പർ താരം ആൻഡി മറെ പുരുഷ ഡബിൾസിൽ പങ്കാളി പിയെറി ഹ്യൂസ് ഹെർബർട്ടിനൊപ്പം ആദ്യ റൗണ്ടിൽ ജയം കുറിച്ചു.
English Summary: Simona Halep beat Victoria Azarenka in Wimbledon tennis