പ്ലിസ്കോവയെ വീഴ്ത്തി ആഷ്‍ലി ബാർട്ടിക്ക് ആദ്യ വിമ്പിൾഡൻ കിരീടം

ലണ്ടൻ∙ വിമ്പിൾഡൻ വനിത സിംഗിൾസ് കിരീടം ഓസ്ട്രേലിയയുടെ ആഷ്‌ലി ബാർട്ടി സ്വന്തമാക്കി. ഫൈനലിൽ ചെക് റിപബ്ലിക്കിന്റെ കരോലിന പ്ലിസ്കോവയെ തോൽപ്പിച്ചാണ് ആഷ്‌ലിയുടെ വിമ്പിൾഡനിലെ കിരീട നേട്ടം(6–3, 6–7, 6–3).

കഴിഞ്ഞമാസം ഫ്രഞ്ച് ഓപ്പണിൽ പരുക്കേറ്റു പിൻമാറേണ്ടിവന്ന ബാർട്ടിയുടെ ഉജ്വല തിരിച്ചുവരവാണ് ഈ കിരീട നേട്ടം. 41 വർഷത്തിനുശേഷമാണ് ഒരു ഓസ്ട്രേലിയൻ വനിത വിമ്പിൾഡൻ ടെന്നിസ് ഫൈനലിലെത്തുന്നത്.

2019ലെ ഫ്രഞ്ച് ഓപ്പൺ ചാംപ്യനായിരുന്ന ബാർട്ടിയുടെ രണ്ടാം ഗ്രാൻസ്‌ലാം കിരീടമാണിത്. 2012ന് ശേഷം ഇതാദ്യമായാണ് ഒരു വനിത വിമ്പിൾഡൻ ഫൈനൽ മൂന്നാം സെറ്റിലേക്ക് കടക്കുന്നത്.

English Summary: Ashleigh Barty Beats Karolina Pliskova To Win Maiden Wimbledon Crown