ആക്രമണവും പ്രതിരോധവും ഒരുപോലെ പാളിപ്പോയൊരു ടെന്നിസ് മാച്ച് പോലെയായിരുന്നു ലോക ഒന്നാം നമ്പർ താരം നൊവാക് ജോക്കോവിച്ചിന്റെ കോവിഡ് നിലപാടുകൾ. ഇതിലെ അവസാന അധ്യായമാണ് ഓസ്ട്രേലിയയിൽ നിന്നുള്ള നാടുകടത്തൽ. സ്വന്തം രാജ്യമായ സെർബിയയിൽ മടങ്ങിയെത്തിയ ജോക്കോ, പിതാവു സർദാൻ കരുതും പോലെ ‘അനീതിയെ എതിർക്കുന്ന സ്പാർട്ടക്കസാണോ’ ഓസ്ട്രേലിയൻ സർക്കാർ പറയും പോലെ സമൂഹത്തിന് ആരോഗ്യ ഭീഷണിയാണോ എന്ന ചർച്ച ഉടനൊന്നും കെട്ടടങ്ങില്ലെന്നു തീർച്ച.
