വാഷിങ്ടൻ ∙ യുഎസ് ടെന്നിസ് താരം സെറീന വില്യംസ് വീണ്ടും അമ്മയായി. കഴിഞ്ഞ ദിവസം പെൺകുഞ്ഞിന് ജന്മം നൽകിയതായും അഡീറ റിവർ ഒഹാനിയൻ എന്നാണ് കുഞ്ഞിന്റെ പേരെന്നും നാൽപത്തിയൊന്നുകാരിയായ സെറീന ഇൻസ്റ്റഗ്രാമിലൂടെ അറിയിച്ചു. 2017ലാണ് സെറീനയ്ക്കും ഭർത്താവ് അലക്സ് ഒഹാനിയനും ആദ്യത്തെ കുഞ്ഞ് ഒളിംപ്യ ജനിക്കുന്നത്. 23 തവണ വനിതാ സിംഗിൾസ് ഗ്രാൻസ്‌ലാം കിരീടം നേടിയ സെറീന കഴിഞ്ഞ വർഷത്തെ യുഎസ് ഓപ്പണിലാണ് അവസാനമായി മത്സരിച്ചത്.
English Summary: Serena Williams, Alexis Ohanian welcome second child
