sections
MORE

കിയാര കോപ്പി അടിക്കുന്നോ ? ; ബൂട്ട് ചില്ലറക്കാരനല്ല !

kiara-advani-prada-chunky-high-heel-boot
SHARE

ബോളിവുഡ് താരങ്ങളിൽ ഫാഷൻ ചോയ്സുകൾ കൊണ്ട് ആരാധകരെ അദ്ഭുതപ്പെടുത്താൻ കഴിവുള്ള താരമാണ് കിയാര അദ്വാനി. പലപ്പോഴും അപ്രതീക്ഷിതമായിരിക്കും കിയാരയുടെ സ്റ്റൈൽ. പുതിയ ചിത്രമായ ഗുഡ് ന്യൂസിന്റെ പ്രചാരണാർഥം ഡൽഹിയിലെത്തിയപ്പോഴും ഈ പതിവു താരം തെറ്റിച്ചില്ല. ഇറ്റാലിയന്‍ ആഡംബര ബ്രാൻഡായ പ്രദയുടെ ബൂട്ട് ധരിച്ചാണ് കിയാര എത്തിയത്. 

വെള്ളയും പിങ്കും കറുപ്പും നിറങ്ങൾ ചേരുന്ന ഹൈ ഹീൽ ബൂട്ടാണിത്. രാജ്യാന്തര തലത്തിൽ ശ്രദ്ധേയയായ റാപ്പർ നിക്കി മിനാജ് സ്റ്റോജ് ഷോകളിൽ ഉപയോഗിക്കാന്‍ തുടങ്ങിയതോടെയാണ് ഈ ഷൂസ് പ്രശസ്തിയാർജിച്ചത്. ഹെവി ലുക്കിലുള്ള ഈ ഷൂസിന്റെ പല നിറങ്ങൾ ധരിച്ച് നിക്കി വേദിയിലെത്തിയിട്ടുണ്ട്. ഏകദേശം 70,000 രൂപയാണ് ഈ ബൂട്ടിന്റെ വില!

prada-high-heel-boots

ജംപറും ടൈറ്റ്സുമായിരുന്നു കിയാരയുടെ വേഷം. ഇതിനൊപ്പമാണ് ഈ വലിയ ബൂട്ടുകളും ധരിച്ചത്. ലുക്കിന് തീരെ അനുയോജ്യമല്ല എന്നാണ് ഫാഷന്‍ ലോകത്തിന്റെ അഭിപ്രായം. കാർദാഷിയൻ സഹോദരിമാരുടെ സ്റ്റൈല്‍ അനുകരിക്കാൻ ശ്രമിക്കുകയാണോ എന്ന് ചില ആരാധകരും ചോദിക്കുന്നു. അതേസമയം ബൂട്ടിന്റെ വിലയാണ് ചിലരെ അദ്ഭുതപ്പെടുത്തുന്നത്. തങ്ങളുടെ രണ്ടും മൂന്നും മാസത്തെ ശബളത്തിനേക്കാൾ അധികമാണ് ഈ ബൂട്ടിന്റെ വില എന്ന് പലരും കമന്റ് ചെയ്തിട്ടുണ്ട്.

English Summary : Kiara advanis' Prada boots cost 70,000 rs

MORE IN GLITZ N GLAMOUR
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA