‌റാംപിൽ ചുവടുവച്ച് രാഹുൽ ഈശ്വർ; വിമർശനത്തിന് മറുപടി

കൊച്ചിയിൽ നടന്ന ഇന്ത്യൻ ഫാഷൻ ലീഗിൽ ഷോ സ്റ്റോപ്പറായി സാമൂഹിക പ്രവർത്തകൻ രാഹുൽ ഈശ്വര്‍. ഇന്ത്യൻ എത്‌നിക് വസ്ത്രം ധരിച്ചാണ് രാഹുൽ റാംപിൽ എത്തിയത്. 

ആനയുടെ രൂപം പ്രിന്റ് ചെയ്ത വെള്ളകുർത്തയാണ് രാഹുൽ ധരിച്ചത്. രാഹുൽ പങ്കുവച്ച ചിത്രത്തിനു താഴെ അഭിനന്ദിച്ചും വിമർശിച്ചും കമന്റുകളുണ്ട്. ഇതിനു പിന്നാലെ ഒരു തവണ കൂടി ചിത്രം പങ്കുവച്ച് രാഹുൽ നിലപാട് വ്യക്തമാക്കുകയും ചെയ്തു. ‘‘പഠിച്ചത് ഫിലോസഫിയാണെങ്കിലും ഫാഷൻ ഫീൽഡിൽ ഷോ സ്റ്റോപ്പർ ആകാൻ ഒരു കൈ നോക്കുന്നതിൽ തെറ്റില്ല’’ – എന്നായിരുന്നു രാഹുൽ കുറിച്ചത്.

മിസിസ് കേരളയുടെ വിധികർത്താവ് കൂടിയായിരുന്നു രാഹുൽ.

English Summary : Rahul Easwar on Indian Fashion League