‘സ്നേഹിച്ചും തല്ലു കൂടിയും ഇണങ്ങിയും പിണങ്ങിയും ഒരു വർഷം’

apsara-and-alby-first-wedding-anniversary
SHARE

ഒന്നാം വിവാഹവാർഷികത്തിന്റെ സന്തോഷം പങ്കുവച്ച് നടി അപ്സര രത്നാകരൻ. താലികെട്ടിന്റെ ദൃശ്യങ്ങൾ സമൂഹമാധ്യമത്തിൽ പങ്കുവച്ച് വിജയകരമായി ഒരു വർഷം പൂർത്തിയാക്കിയെന്ന് താരം കുറിച്ചു. 2021 നവംബർ 29ന് ചോറ്റാനിക്കരയിൽ വച്ചായിരുന്നു അപ്സരയും ടെലിവിഷൻ ഷോകളുടെ സംവിധായകനുമായ ആൽബിയും വിവാഹിതരായത്. 

‘‘അങ്ങനെ ഒരു വർഷം വിജയകരമായി പൂർത്തിയാക്കി. സ്നേഹിച്ചും തല്ലുകൂടിയും പിണങ്ങിയും ഇണങ്ങിയും ഒരു വർഷം’’– വിഡിയോയ്ക്കൊപ്പം അപ്സര കുറിച്ചു. 

രണ്ടു വർഷത്തെ പ്രണയമാണ് വിവാഹത്തിലെത്തിയത്. അപ്സര മുഖ്യ വേഷത്തിലെത്തിയ ‘ഉള്ളത് പറഞ്ഞാല്‍’ എന്ന സീരിയലിന്റെ സംവിധായകനായിരുന്നു ആൽബി. ഈ സീരിയലിലെ പ്രകടനത്തിന് അപ്സരയ്ക്ക് മികച്ച നടിക്കുള്ള സംസ്ഥാന ടെലിവിഷൻ അവാർഡ് നേടിയിട്ടുണ്ട്.

തിരുവനന്തപുരം സ്വദേശിനിയായ അപ്സര 9 വർഷത്തോളമായി അഭിനയരംഗത്തുണ്ട്. ഇരുപത്തിയഞ്ചോളം സീരിയലുകളിൽ അഭിനയിച്ചു. സാന്ത്വനം സീരിയലിലെ ജയന്തിയായുള്ള പ്രകടനം നിരവധി അഭിനന്ദനങ്ങൾ നേടി. നർത്തകിയായും തിളങ്ങി.

ആൽബി പത്തുവർഷത്തിലേറെയായി ടെലിവിഷന്‍ രംഗത്ത് സജീവമാണ്. നിരവധി ഷോകള്‍ സംവിധാനം ചെയ്തു. അവതാരകനായും ശ്രദ്ധ നേടിയിട്ടുണ്ട്. തൃശൂർ സ്വദേശിയാണ്. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN LOVE N LIFE

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

ധ്യാനും വിനീതും ഒരേപോലെയാണ്... 

MORE VIDEOS