‘വമ്പൻ ക്രിയാത്മകതയ്ക്ക് ചുമ്മാതിരിക്കാം’: ഡൂ നത്തിങ് സ്റ്റൈൽ; ‘വെറുതേയൊരു’ വിജയഫോർമുല?

ഈ ഞെരുക്കങ്ങൾക്കിടയിൽ നാലു മണിക്കൂർ മാത്രം പതിവായി ഉറങ്ങുന്ന അനേകം പേർ നമുക്ക് ചുറ്റുമുണ്ട്. കുടുംബബന്ധങ്ങളെയും ഈ പാച്ചിൽ ബാധിച്ചിട്ടുണ്ട്. ഒന്നിച്ചിരിക്കാനോ, വിശേഷങ്ങളും പ്രശ്നങ്ങളും പങ്ക് വയ്ക്കാനോ കഴിയാതെ തമ്മിൽ അകന്നുപോകുന്ന മനസ്സുകളുണ്ട്. അവിടെയാണ് അലസ ദിനങ്ങളുടെ പ്രസക്തി. ഒന്നും ചെയ്യാതെ എവിടെയെങ്കിലും അലസമായി ചുരുണ്ടുകൂടിയിരിക്കാൻ എപ്പോഴെങ്കിലും മോഹിക്കാത്തവരുണ്ടാകില്ല. ഇടയ്ക്കെങ്കിലും അങ്ങനെ ഒരു ദിവസം ഇരിക്കാനായാൽ പിന്നീട് കൂടുതൽ മികവോടെ തലച്ചോറും ശരീരവും പ്രവർത്തിക്കുമെന്നാണ് ഈ വിഷയത്തിൽ പഠനം നടത്തുന്നവർ പറയുന്നത്.