ടെലിവിഷൻ പ്രേക്ഷകരുടെ ഇഷ്ടതാരമാണ് ലിന്റുറോണി. അഭിനയത്തിൽ നിന്ന് ബ്രേക്കെടുത്തെങ്കിലും സമൂഹ മാധ്യമങ്ങളിൽ സജീവമാണ് ലിന്റു. ഗർഭകാലത്തെ വിശേഷങ്ങളെല്ലാം ആരാധകരെ അറിയിച്ച ലിന്റു പുത്തൻ വിശേഷം പങ്കുവച്ചിരിക്കുകയാണ്. വർഷങ്ങളുടെ കാത്തിരിപ്പിന് ശേഷം ലിന്റുവിന് കുഞ്ഞ് ജനിച്ചു. ആൺകുട്ടിയാണ് ജനിച്ചത്. ആശുപത്രിയിൽ നിന്നുള്ള വിശേഷങ്ങൾ ലിന്റു തന്നെയാണ് അറിയിച്ചത്.
കുഞ്ഞിനൊപ്പം നിൽക്കുന്ന ഫോട്ടോയും പങ്കുവച്ചു. നിരവധി പേരാണ് ആശംസകളറിയിച്ചെത്തുന്നത്. 8 വർഷത്തെ കാത്തിരിപ്പിന് ശേഷമാണ് ലിന്റുവിനും റോണിക്കും കുഞ്ഞ് ജനിക്കുന്നത്. നേരത്തെ വളകാപ്പ് വിഡിയോയും ലിന്റുവിന്റെ നിറവയറിലെ നൃത്തവുമെല്ലാം വൈറലായിരുന്നു.
