sections
MORE

ഈ ബാഗ് കയ്യിൽ കരുതിയാൽ പിന്നെ പെർഫ്യൂം വേണ്ട !

worlds-first-perfume-infused-handbags
SHARE

സുഗന്ധം പരത്തുന്ന ബാഗുമായി ഇറ്റാലിയൻ ആഡംബര ഫാഷൻ ഹൗസായ ഫെൻഡി. ഫെൻ‍ഡിഫ്രെൻഷ്യ എന്നു പേരിട്ടിരിക്കുന്ന ബാഗിന്റെ നിർമാണത്തിന് പ്രത്യേകമായി നിർമിച്ച സുഗന്ധദ്രവ്യമാണ് ലെതറില്‍ ഉപയോഗിച്ചിരിക്കുന്നത്.

നാലു വർഷം ബാഗില്‍ സുഗന്ധം നിൽക്കുമെന്നാണ് നിർമാതാക്കളുടെ അവകാശവാദം. ചെറിയ ബോട്ടിലിൽ ഈ പെർഫ്യൂം നൽകുന്നുണ്ട്. ബാഗിന്റെ സുഗന്ധം വീണ്ടെടുക്കാനും ശരീരത്തിലും ഇത് ഉപയോഗിക്കാം. 

മൂന്നു വലുപ്പത്തിലുള്ള ബാഗുകളാണ് ആദ്യ എഡിഷനിൽ പുറത്തിറക്കിയിട്ടുള്ളത്. മഞ്ഞയും വെള്ളയും ചേരുന്ന കളർ കോംബിനേഷനിൽ രണ്ടെണ്ണം. കൈപ്പിടിയിൽ കൊള്ളുന്ന മൂന്നാമത്തെ ബാഗ് പൂർണമായും മഞ്ഞ നിറത്തിലുള്ളതാണ്. എല്ലാത്തിലും പ്രത്യേക ആർട് ഡിസൈനുകളും ഉൾപ്പെടുത്തിയിട്ടുണ്ട്. ഏറ്റവും ചെറിയ ബാഗിന് 630 അമേരിക്കൻ ഡോളറാണ് വില. 

ഫെൻഡിയുടെ സൈറ്റിലൂടെ ഡിസംബർ 20 വരെ ഈ ബാഗുകളുടെ വിൽപ്പന നടക്കും.

English Summary : Italian fashion house Fendi has introduced the world’s first fragrance-infused handbags

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN STYLE FACTOR
SHOW MORE
FROM ONMANORAMA