കോവിഡ് പോരാട്ടം; നിലത്ത് കിടന്നുറങ്ങി പൊലീസുകാർ, പോരാളികളെന്ന് ഡിഐജി

നിലത്തു കിടന്നുറങ്ങുന്ന െപാലീസുകാരുടെ ചിത്രം സമൂഹമാധ്യമങ്ങളിൽ തരംഗമാകുന്നു. അരുണാചൽ പ്രദേശ് ഡിഐജി മാദുർ വർമയാണ് ഈ ചിത്രം ട്വീറ്റ് ചെയ്തത്. കോവിഡ് ഡ്യൂട്ടിയിലുള്ള പൊലീസുകാരെ അഭിനന്ദിച്ചാണ് മാദുർ വർമ ചിത്രം പങ്കുവച്ചത്.

‘‘നല്ല മെത്തയും എട്ടു മണിക്കൂർ ഉറക്കവും ആഡംബരമല്ലേ ? അതെ, നിങ്ങൾ ഒരു പൊലീസുകാരനാണെങ്കിൽ തീർച്ചയായും ! ഈ പോരാളികൾ അഭിമാനമാണ്’’– ചിത്രം പങ്കുവച്ചു കൊണ്ട് മാദുര്‍ വർമ കുറിച്ചു. പൊലീസുകാരടെ കഷ്ടപ്പാടുകൾ വ്യക്തമാക്കുന്ന ഈ ചിത്രത്തിനു താഴെ നിരവധിപ്പേർ നന്ദിയും അഭിനന്ദനങ്ങളും അറിയിക്കുന്നുണ്ട്.

രാജ്യമൊന്നാകെ കോവിഡിനെതിരായ പോരാട്ടത്തിലാണ്. ഇക്കൂട്ടത്തിൽ ആരോഗ്യപ്രവർത്തകരുടെയും പൊലീസിന്റെയും പ്രവര്‍ത്തനങ്ങൾ പലപ്പോഴും അഭിനന്ദനങ്ങൾ നേടിയിരുന്നു. 

English Summary : Covid19, Police sleeping on ground