കർഷകന്റെ ഉള്ളില് നീറുന്ന ‘കനൽ’ ; ശ്രദ്ധ നേടി ഫോട്ടോസ്റ്റോറി
Mail This Article
സുനിൽ സ്നാപ് ഗുരുവായൂരും മാത്തപ്പൻ ബൈജു ടീമും ചേർന്നൊരുക്കിയ കനൽ ഫോട്ടോസ്റ്റോറി ശ്രദ്ധ നേടുന്നു. പഴയകാല കുടിയാൻ ജന്മി ബന്ധത്തിലെ അനീതികളെ വൈകാരികമായ കരുത്തോടെ അവതരിപ്പിക്കുകയാണ് കനല്.
ഭക്ഷണം കഴിക്കാനോ വിശ്രമിക്കാനോ ഇടവേള പോലുമില്ലാതെ പണിയെടുക്കേണ്ടി വരുന്ന കുടിയാൻ. ഭാര്യയ്ക്കും കുഞ്ഞിനും മുമ്പിൽ അയാൾക്ക് മർദനം ഏൽക്കേണ്ടി വരുന്നു. ആഹാരം തട്ടിത്തെറിപ്പക്കപ്പെടുന്നു. ജന്മിയുടെ മക്കൾ എല്ലാ സുഖവും അനുഭവിച്ച് നടക്കുമ്പോൾ ചെറുപ്രായത്തിൽ തന്നെ കുടിയാന്റെ മകൻ പാടത്തേക്ക് ഇറങ്ങേണ്ടി വരുന്ന സാഹചര്യം. 80 ചിത്രങ്ങളിലൂടെയാണ് കഥ പറയുന്നത്.
ഗുരുവായൂര് ബ്രഹ്മകുളം സ്വദേശിയായ ബൈജു, ഭാര്യ വിനി മകൻ മാത്തപ്പൻ എന്നിവരാണ് കർഷക കുടുംബത്തെ അവതരിപ്പിച്ചത്. വിനി ഏഴു മാസം ഗർഭിണിയാണ്. മികച്ച പ്രതികരണം ലഭിച്ചതിനാൽ ഫോട്ടോസ്റ്റോറിയുടെ അടുത്ത ഭാഗവും ഉണ്ടാകുമെന്ന് സുനിൽ സ്നാപ്സ് പറഞ്ഞു. വിനിയുടെ പ്രസവശേഷമായിരിക്കും അടുത്ത ഭാഗം ഇറങ്ങുക.
English Summary : Viral photo story