കുന്നിൻ മുകളിലെ ‘കൈവിട്ട’ ഫോട്ടോഷൂട്ട്; ദമ്പതികൾക്ക് വിമർശനം, ചർച്ച
Mail This Article
കുന്നിന്റെ മുകളിൽ കൈപ്പിടിച്ച് സാഹസികമായി നിൽക്കുന്ന ദമ്പതികളുടെ ഫോട്ടോ സമൂഹമാധ്യമങ്ങളിൽ തരംഗമായിരുന്നു. ഒരു കാൽ മാത്രം പാറയിൽവെച്ചു നിൽക്കുന്ന യുവാവിന്റെ കൈപ്പിടിച്ച് ഒരു യുവതി നിൽക്കുന്നതാണ് ഫോട്ടോ. ശ്രീല റോയ് എന്ന യുവതിയാണ് ഈ ഫോട്ടോ ട്വീറ്റ് ചെയ്തത്. എന്നാൽ അപകട സാധ്യതയുടെ പേരിൽ ഈ ഫോട്ടോയ്ക്കെതിരെ കടുത്ത വിമർശനങ്ങൾ ഉയർന്നു.
ഫോട്ടോഷൂട്ട് ചെയ്യാൻ ശ്രമിച്ച് അപകടത്തില്പ്പെട്ടവരെക്കുറിച്ചുള്ള വാർത്തകൾ ചൂണ്ടികാണിച്ചായിരുന്നു വിമർശനങ്ങൾ. ഇത് ഫോട്ടോഷോപ്പ് ആയിരിക്കും എന്നാണു ചിലർ വാദിച്ചത്. ഇങ്ങനെ ചർച്ചകൾ ചൂടുപിടിച്ചു.
എന്നാൽ ആ സ്ഥലം അത്ര അപകടം പിടിച്ചതല്ല എന്ന് അതേ സ്ഥലത്തുനിന്നു പകർത്തിയ ഏതാനും ഫോട്ടോകൾ സഹിതം ചിലർ സാക്ഷ്യപ്പെടുത്തി. ഒരു പ്രത്യേക ആംഗിളിൽനിന്ന് ഫോട്ടോ എടുത്തതിനാലാണ് ദമ്പതികൾ വളരെ ഉയരത്തിലും അപകടകരമായ സ്ഥാനത്തുമാണ് നിൽക്കുന്നതെന്നു തോന്നാൻ കാരണമെന്നും ഇവർ പറയുന്നു.
English Summary : Couple 'poses' for a photo on the cliff's edge