സൗദിക്കെതിരെ നീക്കം: ഹൂതി താവളത്തില് 11 മിസൈലുകൾ, 8 ഡ്രോണുകൾ
Mail This Article
സൗദി അറേബ്യക്കെതിരെ വ്യോമാക്രമണത്തിന് യെമനിലെ ഹൂതികൾ സ്ഥിരമായി ഉപയോഗിക്കുന്ന ഡ്രോണുകളുടെയും മിസൈലുകളുടെയും കണക്കുകൾ വെളിപ്പെടുത്തി യെമൻ വെബ്സൈറ്റ്. യെമൻ സൈന്യവും ഹൂതി സഖ്യകക്ഷികളും ആഭ്യന്തരമായി നിർമിച്ച എട്ട് സൈനിക ഡ്രോണുകൾ വ്യോമാക്രമണത്തിന്റെ സൈനിക സമവാക്യം മാറ്റി മറിച്ചെന്നാണ് റിപ്പോർട്ട്.
മിസൈലുകളും ഡ്രോണുകളും രൂപകൽപന ചെയ്യുന്നതിലും നിർമിക്കുന്നതിലും യെമൻ സൈന്യത്തിന്റെ നേട്ടങ്ങളെക്കുറിച്ച് അൻസറുല്ല ന്യൂസ് പോർട്ടലാണ് റിപ്പോർട്ട് പ്രസിദ്ധീകരിച്ചത്. റിപ്പോർട്ട് പ്രകാരം യെമനിൽ നിലവിൽ 11 മിസൈൽ സംവിധാനങ്ങളുണ്ട്. അവയിൽ ചിലത് പൂർണ്ണമായും തദ്ദേശീയവും മറ്റുചിലത് റഷ്യൻ പതിപ്പുകളുടെ നവീകരിച്ച പതിപ്പുകളുമാണ്. എന്നാൽ ഇറാന്റെ സഹായെ എത്രത്തോളമുണ്ടെന്ന് റിപ്പോർട്ടിൽ വ്യക്തമാക്കുന്നില്ല.
ഈ മിസൈലുകളിൽ ഒന്ന് 1,700 കിലോമീറ്റർ സഞ്ചരിക്കാൻ ശേഷിയുള്ള കുഡ്സ് -1 ആണ്. യെമൻ സൈന്യം നിർമിച്ച എട്ട് ആക്രമണ, നിരീക്ഷണ ഡ്രോണുകളെ കുറിച്ചും ഹ്രസ്വമായി അവലോകനം ചെയ്യുന്നുണ്ട്. സെപ്റ്റംബർ 14 ന് 10 ഡ്രോണുകളാണ് സൗദി അറേബ്യയിലെ അബ്ഖൈക്കിലെയും ഖുറൈസിലെയും രണ്ട് എണ്ണ പ്ലാന്റുകളിൽ ആക്രമണം നടത്തിയത്.
അൻസറുല്ല ന്യൂസ് പോർട്ടൽ സാങ്കേതികമായി അവലോകനം ചെയ്ത എട്ട് യെമൻ ഡ്രോണുകളെ കുറിച്ച്:
ഹോഡ് ഹോഡ്
∙ ഫൊട്ടോഗ്രഫിയിലെ ഏറ്റവും നൂതന സാങ്കേതികവിദ്യ ഉൾക്കൊള്ളുന്ന ഒരു നിരീക്ഷണ ഡ്രോൺ
∙ ചെറിയ വലുപ്പം കാരണം റഡാറുകൾ ഉപയോഗിച്ച് കണ്ടെത്താൻ പ്രയാസമാണ്
∙ എൻജിന്റെ ശബ്ദം കുറവായതിനാൽ നിലത്തു നിന്ന് കേൾക്കാൻ പ്രയാസമാണ്
∙ ലേസർ റോക്കറ്റുകൾ ടാർഗെറ്റുചെയ്യുന്നത് വളരെ ബുദ്ധിമുട്ടാണ്
∙ ഫ്ലൈറ്റ് സമയം: 90 മിനിറ്റ്
∙ പ്രവർത്തന പരിധി: 30 കിലോമീറ്റർ
റാകിബ്
∙ ലേസർ സാങ്കേതികവിദ്യയുടെ സഹായത്തോടെ ശത്രുവിന്റെ സ്ഥാനം നേരിട്ട് കണ്ടെത്താൻ കഴിവുള്ള നിരീക്ഷണ ഡ്രോൺ
∙ ഇൻഫ്രാറെഡ് ഫൊട്ടോഗ്രഫി ഉൾപ്പെടെ നിരവധി ഫൊട്ടോഗ്രഫി സാങ്കേതികവിദ്യകൾ സജ്ജീകരിച്ചിരിക്കുന്നു
∙ കൊണ്ടു പോകാൻ എളുപ്പമാണ്
∙ ഫ്ലൈറ്റ് സമയം: 90 മിനിറ്റ്
∙ പ്രവർത്തന പരിധി: 15 കിലോമീറ്റർ
റാസദ്
∙ നിരീക്ഷണ ഡ്രോൺ, ശത്രുവിന്റെ ലക്ഷ്യങ്ങൾ കണ്ടെത്താനും യുദ്ധക്കളത്തെ നിരീക്ഷിക്കാനും പ്രാപ്തമാണ്
∙ ഫൊട്ടോഗ്രഫിയിലും മാപ്പിംഗിലും ഏറ്റവും നൂതനമായ സാങ്കേതികവിദ്യ സജ്ജീകരിച്ചിരിക്കുന്നു
സമദ് -1
∙ നിരീക്ഷണ ഡ്രോൺ
∙ ടാർഗെറ്റുകൾ നിരീക്ഷിക്കാനും ശേഖരിച്ച ഡാറ്റ നേരിട്ട് ഓപ്പറേറ്റിംഗ് റൂമിലേക്ക് കൈമാറാനും കഴിവുണ്ട്
∙ പ്രവർത്തന പരിധി: 500 കിലോമീറ്റർ
ഖാസെഫ് -1
∙ ആക്രമണ ഡ്രോൺ
∙ 30 കിലോഗ്രാം പോർമുന ഉപയോഗിച്ച് ആക്രമിക്കാൻ ശേഷി
∙ ദൗത്യമനുസരിച്ച് മാറ്റാൻ കഴിയുന്ന ഒരു വാർഹെഡ് ഉണ്ട്
∙ കണ്ടെത്തുന്നതിനും ആക്രമണം നടത്തുന്നതിനും മികച്ച സംവിധാനം സജ്ജീകരിച്ചിരിക്കുന്നു
ഖാസെഫ് – കെ2
∙ ആക്രമണ ഡ്രോൺ
∙ ഈ വർഷം ജനുവരിയിൽ അനാച്ഛാദനം ചെയ്തു
∙ ഗണ്യമായ അളവിൽ സ്ഫോടകവസ്തുക്കൾ എത്തിക്കാൻ കഴിവുണ്ട്
∙ ടാർഗെറ്റിനെ കണ്ടെത്താൻ 10 മീറ്റർ ഉയരത്തിൽ പറക്കാൻ കഴിവുണ്ട്
സമദ് -2
∙ ആക്രമണ ഡ്രോൺ
∙ പ്രവർത്തന പരിധി: 1,300 കിലോമീറ്റർ
∙ നൂതന സിഗ്നൽ ജാമിംഗ് സാങ്കേതികവിദ്യ കൊണ്ട് സജ്ജീകരിച്ചിരിക്കുന്നു
∙ സ്റ്റെൽത്ത് ശേഷിയുണ്ട്
∙ 2018 ജൂണിൽ സൗദി അറേബ്യയിലെ എണ്ണ പ്ലാന്റുകൾ ആക്രമിച്ചത് ഈ ഡ്രോണുകളായിരുന്നു
സമദ് -3
∙ സ്റ്റെൽത്ത് കോംബാറ്റ് ഡ്രോൺ
∙ പ്രവർത്തന പരിധി: 1,700 കിലോമീറ്റർ