എം2 ചിപ്പിൽ നിരവധി ഉപകരണങ്ങൾ പുറത്തിറക്കാൻ ആപ്പിൾ

apple-m2
Creidit: Apple/iSazio
SHARE

ഐഫോൺ 14 സീരീസ്, പുതിയ ഐപാഡുകൾ, മൂന്ന് വാച്ചുകൾ, പുതുക്കിയ എയർപോഡ്‌സ് പ്രോ, പുതിയ ഹോംപോഡ്, നിരവധി അപ്‌ഗ്രേഡു ചെയ്‌ത മാക്കുകൾ, കൂടാതെ എം2 പ്രോസസർ നൽകുന്ന എആർ/എംആർ ഹെഡ്‌സെറ്റ് തുടങ്ങി നിരവധി പുതിയ ഉപകരണങ്ങൾ അവതരിപ്പിക്കാൻ ആപ്പിൾ ഒരുങ്ങുന്നു എന്ന് റിപ്പോർട്ട്.

എം2 മാക് മിനി, എം2 പ്രോ മാക് മിനി, എം2 പ്രോ / എം2 മാക്സ് 14, 16-ഇഞ്ച് മാക്ബുക് പ്രോസ്, കൂടാതെ എം2 അൾട്രാ/എം2 എക്‌സ്ട്രീം മാക് പ്രോ എന്നിവയുൾപ്പെടെ മിക്ക പുതിയ ആപ്പിൾ ഉൽപന്നങ്ങൾക്കും‌ എം2 ചിപ്പ്  കരുത്ത് പകരുമെന്നാണ് ബ്ലൂംബെർഗിന്റെ മാർക്ക് ഗുർമാൻ പറയുന്നത്.

അടുത്തിടെ നടന്ന ആപ്പിളിന്റെ വേൾഡ് വൈഡ് ഡവലപ്പേഴ്‌സ് കോൺഫറൻസിൽ (WWDC) എം2 ചിപ്പ് ഉള്ള രണ്ട് പുതിയ മാക്കുകൾ അവതരിപ്പിച്ചിരുന്നു. ആപ്പിളിന്റെ എം3 പ്രോസസർ ഇതിനകം പ്രവർത്തനത്തിലാണെന്നും അടുത്ത വർഷം 13, 15 ഇഞ്ച് മാക്ബുക്ക് എയർ ലാപ്‌ടോപ്പുകളിൽ ഇത് ഉൾപ്പെടുത്തിയേക്കുമെന്നും ഗുർമാൻ പറയുന്നു.

പുറത്തിറങ്ങാനുള്ള 14 മുതൽ 15 ഇഞ്ച് വരെയുള്ള വലിയ ഐപാഡിന് പുറമേ എം2 ചിപ്പുള്ള 11 ഇഞ്ച്, 12.9 ഇഞ്ച് ഐപാഡ് പ്രോ മോഡലുകളും ആപ്പിൾ ഈ വർഷം അവസാനം പുറത്തിറക്കിയേക്കും. ആപ്പിളിന്റെ സ്റ്റാൻഡേർഡ് വാച്ച് സീരീസ് 8, പുതിയ എസ്ഇ ഐഫോൺ, മറ്റൊരു പ്രത്യേക വാച്ച് എന്നിവയും അവതരിപ്പിച്ചേക്കുമെന്ന് പ്രതീക്ഷിക്കുന്നു. ആപ്പിൾ വാച്ചിൽ അപ്‌ഗ്രേഡ് ചെയ്‌ത പ്രോസസർ ഉണ്ടായിരിക്കുമെന്നാണ് റിപ്പോർട്ട്. നവീകരിച്ച ഹോംപോഡിനൊപ്പം എ14 ചിപ്പും കൂടുതൽ റാമും ഉള്ള പുതിയ ടിവിയും ആപ്പിൾ അവതരിപ്പിക്കാൻ സാധ്യതയുണ്ട്. അപ്‌ഗ്രേഡ് ചെയ്‌ത എയർപോഡ്‌സ് പ്രോയും വന്നേക്കാം.

English Summary: Apple set to launch several devices with flagship M2 chip

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

ഇതിലും ചെലവുകുറഞ്ഞ വീടില്ല! | Hometour | Lowcost Home

MORE VIDEOS