ഗിൽബെർട്ടിന്റെ കൊറോണ വാക്സിൻ പരീക്ഷണം അവസാന ഘട്ടത്തിലേക്ക്, ഒക്ടോബറിൽ വരും
Mail This Article
ലോകം ഒന്നടങ്കം കൊറോണവൈറസ് ഭീതിയിലാണ്. വൈറസിനെ പ്രതിരോധിക്കാൻ മിക്ക രാജ്യങ്ങളും വാക്സിൻ നിർമാണവുമായി മുന്നോട്ടുപോകുകയാണ്. ഓക്സ്ഫോർഡ് യൂണിവേഴ്സിറ്റിയിലെ കോവിഡ്-19 നുള്ള വാക്സിൻ ട്രയൽ മെയ് മാസത്തോടെ 500 പേർക്ക് ഷോട്ട് നൽകാനാണ് ശ്രമിക്കുന്നതെന്ന് യൂണിവേഴ്സിറ്റിയിലെ വാക്സിനോളജി പ്രൊഫസർ സാറാ ഗിൽബെർട്ട് പറഞ്ഞു. ദൗത്യം വിജയിച്ചാൽ ഒക്ടോബറിൽ തന്നെ വാക്സിൻ ലഭിക്കുമെന്നും അവർ പറഞ്ഞു.
18 നും 55 നും ഇടയിൽ പ്രായമുള്ള വ്യക്തികളിലാണ് നിയന്ത്രിത രീതിയിൽ പരീക്ഷണം നടത്തുക. 2020 ലെ നാലാം പാദത്തോടെ അവസാന ഫലം ലഭിക്കും. നിലവിലെ മൂന്നാം ഘട്ടത്തിൽ നിന്നുള്ള ഫലപ്രാപ്തി റിപ്പോർട്ടും വലിയ അളവിൽ വാക്സിൻ നിർമിക്കാനുള്ള കഴിവുമാണ് ഞങ്ങൾക്ക് ലഭിക്കുന്നത്. എന്നാൽ ഈ കാലയളവുകൾ വളരെയധികം അഭിലഷണീയവും മാറ്റത്തിന് വിധേയവുമാണെന്നും ഗിൽബർട്ട് സൂചിപ്പിച്ചു.
ഗിൽബെർട്ടിന്റെ വാക്സിനുകളെക്കുറിച്ചുള്ള പഠനം 1994 മുതൽ ഓക്സ്ഫോർഡ് സർവകലാശാലയിൽ നടക്കുന്നുണ്ട്. യുകെയുടെ നാഷണൽ ഇൻസ്റ്റിറ്റ്യൂട്ട് ഫോർ ഹെൽത്ത് റിസർച്ച്, യുകെ റിസർച്ച് ആൻഡ് ഇന്നൊവേഷൻ എന്നിവയിൽ നിന്ന് വാക്സിൻ പരീക്ഷണങ്ങൾക്കായി മാർച്ചിൽ 28 ലക്ഷം ഡോളർ ഗ്രാന്റും ലഭിച്ചു.
ക്ലിനിക്കൽ ട്രയൽസ് ഘട്ടത്തിലെത്തിയ ആദ്യത്തേതിൽ ഒന്നാണ് അവരുടെ ടീമിന്റെ പരീക്ഷണാത്മക രോഗപ്രതിരോധ വാക്സിൻ എന്നത് ശ്രദ്ധേയമാണ്. ലോകാരോഗ്യ സംഘടനയുടെ കണക്കിൽ 70 വാക്സിൻ പരീക്ഷണങ്ങളാണ് നടക്കുന്നത്. ഇതിൽ മൂന്നെണ്ണം മനുഷ്യരിൽ പരീക്ഷിക്കാൻ തുടങ്ങിയിട്ടുണ്ട്. കാൻസിനോ ബയോളജിക്കൽ / ബെയ്ജിങ് ഇൻസ്റ്റിറ്റ്യൂട്ട് ഓഫ് ബയോടെക്നോളജി, ഇനോവിയോ ഫാർമസ്യൂട്ടിക്കൽസ്, മോഡേണ / നാഷണൽ ഇൻസ്റ്റിറ്റ്യൂട്ട് ഓഫ് അലർജി ആൻഡ് ഇൻഫെക്ഷൻസ് ഡിസീസ് എന്നിവരാണ് മനുഷ്യരിൽ പരീക്ഷിക്കുന്നത്.
പരീക്ഷണത്തിനായി 510 സന്നദ്ധ പ്രവർത്തകരെ അഞ്ച് ഗ്രൂപ്പുകളായി വിഭജിക്കാനാണ് ഗിൽബർട്ടിന്റെ പദ്ധതി. തുടർന്ന് ആറ് മാസത്തോളം നിരീക്ഷിക്കും. അഞ്ച് ഗ്രൂപ്പുകളിൽ, പ്രാഥമിക രോഗപ്രതിരോധ കുത്തിവയ്പ്പിന് നാലാഴ്ച കഴിഞ്ഞ് ഒരു ഗ്രൂപ്പിന് വാക്സിൻ രണ്ടാമത്തെ ഇൻട്രാമുസ്കുലർ ഷോട്ട് നൽകും. ChAdOx1 nCoV-19 എന്ന് പേരിട്ടിരിക്കുന്ന വാക്സിനുകളുടെ ഫലപ്രാപ്തിയും സുരക്ഷയും നിർണ്ണയിക്കാൻ ഗവേഷണം നടക്കുന്നുണ്ടെന്നും റിപ്പോർട്ടിൽ പറയുന്നു.
മെനിംഗോകോക്കൽ രോഗത്തിനെതിരായ ഒരു വാക്സിൻ എത്തുന്ന സന്നദ്ധപ്രവർത്തകർക്ക് നൽകും. ക്ലിനിക്കൽ ഗവേഷണത്തിന്റെ ഒരു ഭാഗം യുകെയിൽ നിന്ന് മാറ്റേണ്ടതായി വരാം, അവിടെ മഹാമാരി ഒരു പരിധി വരെ താഴുകയാണെങ്കിൽ ഫലപ്രാപ്തി വിശ്വസനീയമായി നിർണ്ണയിക്കാൻ കഴിയില്ല.
മഹാമാരിക്ക് കാരണമാകുന്ന സാര്സ്-CoV-2 വൈറസിന്റെ ഉപരിതല സ്പൈക്ക് പ്രോട്ടീൻ ഉൽപാദിപ്പിക്കുന്നതിനായി പരിഷ്ക്കരിച്ച ഒരു അഡെനോവൈറസ് എന്ന നിരുപദ്രവകരമായ വൈറസിൽ നിന്ന് വികസിപ്പിച്ചെടുത്ത പ്രത്യക്ഷമായ പുനഃസംയോജിത വൈറൽ വെക്റ്റർ വാക്സിനാണ് ChAdOx1 nCoV-19. കൊറോണ വൈറസിനെ തിരിച്ചറിയാനും ആക്രമിക്കാനും രോഗപ്രതിരോധ സംവിധാനത്തെ പരിശീലിപ്പിച്ചാണ് വാക്സിൻ നീങ്ങുന്നത്. അനുബന്ധ മെഴ്സ് കൊറോണ വൈറസിനായി ഗിൽബെർട്ടിന്റെ ടീം നേരത്തെ സൃഷ്ടിച്ച അതേ വാക്സിൻ ഇതേ രീതിയിലാണ് ഉപയോഗിക്കുന്നത്. ഇത് മൃഗങ്ങളിലും പ്രാരംഭ ഘട്ടത്തിലുള്ള മനുഷ്യ പരിശോധനയിലും വലിയ സാധ്യതകൾ പ്രകടമാക്കി. കോവിഡ് -19 വാക്സിനുകൾ സൃഷ്ടിക്കുന്ന എല്ലാവർക്കും അവരുടെ പദ്ധതികളും പ്രാഥമിക കണ്ടെത്തലുകളും പങ്കിടുന്നതിന് ലോകാരോഗ്യ സംഘടന ഒരു വേദി സൃഷ്ടിക്കുന്നുണ്ടെന്ന് ഗിൽബെർട്ട് പറയുന്നു.