ശുഭവാർത്ത: ഫൈസർ പ്രഖ്യാപിച്ചു, വാക്‌സീന്‍ 95% ഫലപ്രദം, അന്തിമ ഫലം പുറത്ത്

ലോകം ഒന്നടങ്കം പ്രതീക്ഷയോടെ കാത്തിരിക്കുന്ന വാക്സീനുകളുടെ ശുഭവാർത്തകളാണ് ഓരോ ദിവസവും പുറത്തുവരുന്നത്. കോവിഡ് -19 വാക്സീൻ 95 ശതമാനം ഫലപ്രദമാണെന്നാണ് കാണിക്കുന്നതെന്ന് അമേരിക്കന്‍ ഫാര്‍മസ്യൂട്ടിക്കല്‍ കമ്പനി ഫൈസറും പ്രഖ്യാപിച്ചു. മൂന്നാം ഘട്ടത്തിലെ അവസാന പരിശോധനയും കഴിഞ്ഞതിനു ശേഷമാണ് വാക്‌സീന്റെ കോവിഡ് പ്രതിരോധത്തെക്കുറിച്ചുള്ള അന്തിമ റിപ്പോർട്ട് പുറത്തുവിട്ടത്.

വാക്‌സീനിനു ഗുരുതരമായ പാർശ്വഫലങ്ങളൊന്നുമില്ലെന്നും ഏതാനും ദിവസങ്ങൾക്കുള്ളിൽ യുഎസ് റെഗുലേറ്റർമാരിൽ നിന്നുള്ള അടിയന്തര ഉപയോഗ അംഗീകാരത്തിനായി കമ്പനി അപേക്ഷിക്കുമെന്നും ഫൈസർ അറിയിച്ചു. എട്ട് മാസത്തെ ചരിത്രപരമായ ഈ യാത്രയിലെ സുപ്രധാന ഘട്ടമാണ് പഠന ഫലങ്ങൾ അടയാളപ്പെടുത്തുന്നതെന്ന് ഫൈസർ വക്താവ് പറഞ്ഞു.

ജർമൻ പങ്കാളിയായ ബയോ എൻ‌ടെക് എസ്ഇയ്‌ക്കൊപ്പം വികസിപ്പിച്ചെടുത്ത വാക്‌സീനുകളുടെ ഫലപ്രാപ്തി പ്രായത്തിലും വംശീയ ജനസംഖ്യാശാസ്‌ത്രത്തിലും സ്ഥിരത പുലർത്തുന്നുണ്ടെന്നും വലിയ പാർശ്വഫലങ്ങളൊന്നുമില്ലെന്നും ലോകമെമ്പാടും ഉപയോഗിക്കാമെന്നതിന്റെ സൂചനയാണെന്നും വാക്സീൻ നിർമാതാവ് പറഞ്ഞു. വാക്സീൻ സ്വീകരിച്ച 65 വയസ്സിനു മുകളിലുള്ള മുതിർന്നവരുടെ കാര്യക്ഷമത, പ്രത്യേകിച്ചും വൈറസ് ബാധയുള്ളവർക്ക് 94 ശതമാനത്തിൽ കൂടുതലാണ്.

വാക്സിനേഷൻ 90 ശതമാനത്തിലധികം ഫലപ്രദമാണെന്ന് പരീക്ഷണത്തില്‍ നിന്നുള്ള പ്രാഥമിക ഫലങ്ങൾ കാണിച്ച് ഒരാഴ്ച കഴിഞ്ഞാണ് അവസാന വിശകലനം വരുന്നത്. കോവിഡ് സ്ഥിരീകരിച്ച 170 പേരില്‍ വാക്‌സീന്‍ പ്രയോഗിച്ചുവെന്നും അതില്‍ ഒരു വ്യക്തിയില്‍ വാക്‌സീന്റെ ആദ്യ ഡോസിന് ശേഷം 95 ശതമാനം ഫലപ്രാപ്തി കാണിച്ചുവെന്നും കമ്പനി അധികൃതര്‍ പറഞ്ഞു.

43,000 സന്നദ്ധ പ്രവർത്തകരാണ് ഫൈസർ വാക്സീൻ പരീക്ഷണത്തിന്റെ ഭാഗമായത്. വാക്സീനേഷൻ നടത്തിയവരിൽ 2% ത്തിലധികം പേരെ ബാധിച്ച ഒരേയൊരു പ്രതികൂല സംഭവമാണ് ക്ഷീണം. ഇത് രണ്ടാമത്തെ ഡോസിന് ശേഷം 3.7% സ്വീകർത്താക്കളെ ബാധിച്ചു. പ്രതിരോധ കുത്തിവയ്പ്പിനെത്തുടർന്ന് പ്രായപൂർത്തിയായവർ പ്രതികൂല സംഭവങ്ങൾ കുറച്ചുകൂടുതൽ റിപ്പോർട്ട് ചെയ്യുന്നുണ്ട്.

English Summary: Pfizer Says Final Trial Results Show Its Covid-19 Vaccine is 95% Effective