ക്രിസ്മസിന് ആകാശത്തൊരു അദ്ഭുത ‘താരം’; എന്തിനാണ് ആർഎൻ35 നമ്മെ തേടി വന്നത്?

ആകാശത്തും, ഭൂമിയിൽ മനുഷ്യമനസ്സുകളിലും നക്ഷത്രങ്ങൾ വിരിയിക്കുന്ന ആഘോഷം കൂടിയാണ് ക്രിസ്മസ്. എന്നാൽ ഈ ക്രിസ്മസിന് ഭൂമിയുടെ തൊട്ടടുത്തു വരെ ഒരു ‘താരം’ എത്തി. അതു ചെറുതായി നമ്മളെയൊന്ന് പേടിപ്പിക്കുകയും ചെയ്തു. പക്ഷേ ഗവേഷകർ പറഞ്ഞു– ആരും പേടിക്കേണ്ട അതൊരു ഛിന്നഗ്രഹമായിരുന്നു, നമുക്ക് ഒരു ദോഷവുമുണ്ടാക്കില്ല. ക്രിസ്മസിനു ഭൂമിയിലേക്ക് വിരുന്നു വന്നതല്ലേ, ഗവേഷകർ ആ ഛിന്നഗ്രഹത്തിന് ഒരു പേരുമിട്ടു– ക്രിസ്മസ് ആസ്റ്ററോയ്ഡ്. 60–140 മീറ്റർ വ്യാസമുള്ള ഈ ഛിന്നഗ്രഹം ‍ഡിസംബർ 15നാണ് ഭൂമിയോട് ഏറ്റവും അടുത്തെത്തിയത്. വ്യത്യസ്തനായ ഈ ഛിന്നഗ്രഹത്തെപ്പറ്റി ആഴത്തിൽ പഠിക്കാനും കൂടുതൽ അറിയാനും ഗവേഷകർ മാനം നോക്കിയിരിപ്പായിരുന്നു കുറച്ചു ദിവസം. അതിനു കാരണവുമുണ്ട്. അത്രയേറെ രഹസ്യങ്ങളാണ് ഈ ആസ്റ്ററോയ്ഡ് ഒളിപ്പിച്ചു വച്ചിരിക്കുന്നത്? എന്തെല്ലാമാണത്? എന്താണ് ഛിന്നഗ്രഹം? അതിന് ഉൽക്കയുമായി എന്തെങ്കിലും ബന്ധമുണ്ടോ? വിശദമായിത്തന്നെ പരിശോധിക്കാം...