ഗൂഗിൾ മാപ്പ് നോക്കിയുള്ള യാത്രകൾ ഒഴിവാക്കുക, ഇടറോഡുകൾ വെള്ളത്തിലാണ്
Mail This Article
കേരളത്തിലെ 14 ജില്ലകളിലും മഴ ശക്തമായതോടെ പല പ്രദേശങ്ങളും ഒറ്റപ്പെട്ട് കിടക്കുകയാണ്. പല റോഡുകളും ഇടവഴികളും വെള്ളത്തിലാണ്. ഈ സമയത്ത് ഗൂഗിൾ മാപ്പ് ഉപയോഗിച്ച് ഏറ്റവും വേഗത്തിൽ യാത്ര ചെയ്യാൻ ശ്രമിക്കുന്നത് ഒഴിവാക്കുന്നത് നല്ലതാണ്. ഗൂഗിൾ മാപ്പ് വഴി സഞ്ചരിച്ചാൽ പല സ്ഥലങ്ങളിലും വാഹനങ്ങൾ കുടുങ്ങി പോകാൻ സാധ്യതയുണ്ട്.
പ്രധാന റോഡുകൾ അല്ലാതെ പരിചയമില്ലാത്ത ഇടറോഡുകളിൽ ഇപ്പോൾ ട്രാഫിക്ക് കൂടിയിട്ടുണ്ട്. ഈ വഴികളിൽ പലതിലും വെള്ളക്കെട്ട് ഉണ്ടാകാൻ സാധ്യതയുണ്ട്. അതുകൊണ്ട് തന്നെ രാത്രി യാത്രക്ക് ഗൂഗിൾ മാപ്പ് ഒഴിവാക്കുന്നതാണ് നല്ലത്. മലയോര ഭാഗങ്ങളിലേക്കുള്ള യാത്രയ്ക്കാരും ശ്രദ്ധിക്കുക.
ഗൂഗിൾ മാപ്പിൽ ലിസ്റ്റ് ചെയ്തിരിക്കുന്ന ഹൈ റേഞ്ച് റോഡുകൾ ഒഴിവാക്കുന്നതാണ് നല്ലത്. യാത്ര ഉണ്ടെങ്കിൽ തന്നെ അത് പകൽ വെളിച്ചത്തിൽ മാത്രം ചെയ്യുക. റോഡുകൾ മൊത്തമായി മണ്ണിടിച്ചിലിൽ താഴേക്ക് പോകാം, കൂടുതൽ വാഹനങ്ങൾ പോകുന്നത് പോലും മണ്ണിടിച്ചിലിന് കാരണമാകാം.