ഇല്ല, ജിയോ ഫൈബർ 351 രൂപ പ്ലാനൊന്നും അവതരിപ്പിച്ചിട്ടില്ല, അതൊരു വൗച്ചർ മാത്രം
Mail This Article
രാജ്യത്തെ മുൻനിര ടെലികോം സേവന ദാതാക്കളായ ജിയോ ഫൈബർ 351 രൂപ പ്രീപെയ്ഡ് പ്ലാൻ ഓഫർ ചെയ്യുന്നില്ലെന്ന് കമ്പനി ഔദ്യോഗികമായി അറിയിച്ചു. 351 രൂപയുടെ പ്രതിമാസ റീചാർജ് പ്ലാൻ കമ്പനി വാഗ്ദാനം ചെയ്യുന്നുവെന്ന് അവകാശപ്പെട്ട് ചില റിപ്പോർട്ടുകൾ വന്നിരുന്നു. ഓൺലൈനിലോ റീചാർജ് ഷോപ്പുകളിലോ 351 രൂപ പ്ലാൻ ലഭ്യമല്ല. പ്ലാനുകൾ അവതരിപ്പിച്ച ആദ്യ ദിവസം മുതൽ എല്ലാ ജിയോ ഫൈബർ പ്ലാനുകളിലും ഉൾപ്പെടുത്തിയിരിക്കുന്ന അടിസ്ഥാന പ്ലാൻ ചെലവാണ് ഇതെന്നും ജിയോ സ്ഥിരീകരിച്ചു.
351, 199 രൂപ റീചാർജ് വൗച്ചറുകൾ പുതിയത് അല്ല. 100Mbps വേഗത്തിൽ ഉപയോക്താക്കൾക്ക് പരിധിയില്ലാത്ത ഡേറ്റയും കോളുമാണ് ഈ വൗച്ചറുകൾ വാഗ്ദാനം ചെയ്യുന്നത്. 199 രൂപ വൗച്ചറിൽ ലോക്കൽ, എസ്ടിഡി നമ്പറുകളിലേക്ക് പരിധിയില്ലാത്ത വോയ്സ് കോളിങ് സേവനവും നൽകുന്നു. 7 ദിവസത്തേക്കുള്ളതാണ് പ്ലാൻ. കൂടാതെ, പുതിയ ജിയോഫൈബർ ഉപയോക്താക്കൾക്ക് ഈ വൗച്ചർ വാങ്ങാൻ കഴിയില്ല. ഇത് നിലവിലുള്ള ജിയോഫൈബർ ഉപയോക്താക്കൾക്ക് മാത്രം ലഭ്യമാണ്.
ജിയോഫൈബർ കണക്ഷൻ ലഭിക്കാൻ, ജിയോ വെബ്സൈറ്റ് സന്ദർശിച്ച് ജിയോഫൈബർ വിഭാഗത്തിലേക്ക് പോകുക. ബുക്ക് നൗ ഓപ്ഷനിൽ ക്ലിക്കുചെയ്യുക. പേര്, ഇമെയിൽ വിലാസം, വിലാസം, കോൺടാക്റ്റ് നമ്പർ എന്നി വിശദാംശങ്ങൾ പൂരിപ്പിക്കുക. അടുത്ത ഘട്ടത്തിൽ നിങ്ങൾ തിരഞ്ഞെടുത്ത പ്ലാൻ നൽകാൻ ആവശ്യപ്പെടും. നിങ്ങൾക്ക് പ്രതിമാസ പ്ലാനുകളിൽ നിന്നോ ജിയോ ഫോറെവർ വാർഷിക പ്ലാനുകളിൽ നിന്നോ തിരഞ്ഞെടുക്കാം. പ്ലാൻ തിരഞ്ഞെടുത്ത ശേഷം, നിങ്ങൾ നൽകിയ ഫോൺ നമ്പറിൽ ജനറേറ്റ് ചെയ്യുന്ന ഒടിപി ക്ലിക്കുചെയ്ത് അത് പരിശോധിച്ചുറപ്പിക്കണം.
പുതിയ കണക്ഷനായി റീഫണ്ട് ചെയ്യാവുന്ന സുരക്ഷാ നിക്ഷേപമായി 1,500 രൂപയും ഇൻസ്റ്റാളേഷൻ ചാർജായി 1,000 രൂപയും ജിയോ നിങ്ങളിൽ നിന്ന് ഈടാക്കും. നിങ്ങൾക്ക് അടിസ്ഥാന പ്രതിമാസ പ്ലാൻ ലഭിക്കുകയാണെങ്കിൽ, അതിൽ ചേർത്ത 18 ശതമാനം ജിഎസ്ടിയോടൊപ്പം കുറഞ്ഞത് 699 രൂപയെങ്കിലും നൽകേണ്ടിവരും. ജിയോ ഫൈബർ പ്ലാനുകൾ 699 രൂപയിൽ ആരംഭിച്ച് 8,499 രൂപ വരെ പോകുന്നു. ജിയോ ഫൈബർ കണക്ഷനും 4 കെ സെറ്റ് ടോപ്പ്, ഹോം ഗേറ്റ്വേ ഉപകരണങ്ങൾ, ലാൻഡ്ലൈൻ കണക്ഷൻ എന്നിവയുമായാണ് വരുന്നത്.