ചരിത്രത്തിൽ ഇന്ന്

1857

1857 ലെ മഹത്തായ കലാപത്തിനു മീററ്റിൽ തുടക്കമായി

∙ 1848 ൽ ഡൽഹൗസി പ്രഭു നടപ്പാക്കിയ

ദത്തവകാശ നിരോധന നിയമവും

ബ്രിട്ടിഷ് സർക്കാരിന്റെ മറ്റു നയങ്ങളുമാണു

കലാപത്തിനു വഴിയൊരുക്കിയത്.

∙ മൃഗക്കൊഴുപ്പ് ഉപയോഗിച്ചു നിർമിച്ച

വെടിയുണ്ടകൾ കടിച്ചുതുറക്കുന്നതിനെതിരായ

ഇന്ത്യൻ സൈനികരുടെ നിലപാട് കലാപത്തിന്റെ

പെട്ടെന്നുള്ള കാരണമായി.

∙ ‘ഫ്യൂഡൽ ഇന്ത്യയുടെ അവസാന ചിറകടി’

എന്നു കലാപത്തെ വിശേഷിപ്പിച്ചതു

ജവാഹർലാൽ നെഹ്റുവാണ്.

∙∙∙

∙നെൽസൺ മണ്ടേല ദക്ഷിണാഫ്രിക്കയിലെ

കറുത്ത വർഗക്കാരനായ

ആദ്യ പ്രസിഡന്റായി (1994).

അദ്ദേഹം ചേരിചേരാ പ്രസ്ഥാനത്തിന്റെ

സെക്രട്ടറി ജനറലും ആഫ്രിക്കൻ

നാഷനൽ കോൺഗ്രസ് അധ്യക്ഷനുമായിട്ടുണ്ട്.

∙∙∙

∙‘കേരള തുളസിദാസൻ’ എന്നറിയപ്പെട്ട

കവി വെണ്ണിക്കുളം ഗോപാലക്കുറുപ്പ്

ജനിച്ചു (1902). തിരുക്കുറളും തുളസീദാസ രാമായണവും

മലയാളത്തിലേക്കു പരിഭാഷപ്പെടുത്തി.

∙∙∙

∙രണ്ടു തവണ എവറസ്റ്റ് കീഴടക്കിയ

ലോകത്തെ ആദ്യ വനിത എന്ന

റെക്കോർഡ് ഇന്ത്യക്കാരി സന്തോഷ് യാദവ്

സ്വന്തമാക്കി (1993). 1992ലാണ് അവർ ആദ്യം എവറസ്റ്റ്

കീഴടക്കിയത്.