പത്താം ക്ലാസ്, ഐടിഐ യോഗ്യതകളുണ്ടോ? 2903 ഒഴിവുമായി റെയിൽവേ വിളിക്കുന്നു
Mail This Article
പത്താം ക്ലാസ്സും ഐടിഐയും പാസായവർക്ക് റെയിൽവേയിൽ ജോലി. 2903 അപ്രന്റിസ് ഒഴിവുകളിലാണ് അവസരം. കൂടാതെ റെയിൽടെൽ കോർപറേഷനിൽ ഗ്രാജ്വേറ്റ്/ഡിപ്ലോമ എൻജിനീയർ അപ്രന്റിസ് അവസരങ്ങളുമുണ്ട്.
സൗത്ത് ഇൗസ്റ്റേൺ റെയിൽവേ: 1785 ഒഴിവ്
കൊൽക്കത്ത ആസ്ഥാനമായ സൗത്ത് ഇൗസ്റ്റേൺ റെയിൽവേയുടെ വർക്‌ഷോപ്പുകളിൽ അപ്രന്റിസ് അവസരം. വിവിധ ട്രേഡുകളിലായി 1785 ഒഴിവ്. ഡിസംബർ 28 വരെ ഒാൺലൈനായി അപേക്ഷിക്കാം.
∙ഒഴിവുള്ള ട്രേഡുകൾ: ഫിറ്റർ, ടർണർ, ഇലക്ട്രീഷ്യൻ, വെൽഡർ (ജി ആൻഡ് ഇ), മെക്കാനിക് (ഡീസൽ), മെഷിനിസ്റ്റ്, പെയിന്റർ (ജനറൽ), റഫ്രിജറേറ്റർ ആൻഡ് എസി മെക്കാനിക്, ഇലക്ട്രോണിക്സ് ആൻഡ് മെക്കാനിക്, കേബിൾ ജോയിന്റർ/ക്രെയ്ൻ ഒാപ്പറേറ്റർ, കാർപെന്റർ, പെയിന്റർ, വയർമാൻ, വൈൻഡർ (ആർമേച്ചർ), ലൈൻമാൻ, ട്രിമ്മർ, എംഎംടിഎം, ഫോർജർ ആൻഡ് ഹീറ്റ് ട്രീറ്റർ.
∙യോഗ്യത: 50% മാർക്കോടെ പത്താം ക്ലാസ് (10+2), ബന്ധപ്പെട്ട ട്രേഡിൽ ഐടിഐ ജയം (എൻസിവിടി/എസ്‌സിവിടി).
∙പ്രായം: 15–24. അർഹർക്ക് ഇളവ്.
∙സ്റ്റൈപൻഡ്: ചട്ടപ്രകാരം.
∙തിരഞ്ഞെടുപ്പ്: യോഗ്യതാ പരീക്ഷയിലെ മാർക്ക് അടിസ്‌ഥാനമാക്കി.
∙ഫീസ്: 100. ഒാൺലൈനായി ഫീസടയ്ക്കണം. പട്ടികവിഭാഗം, ഭിന്നശേഷിക്കാർ, സ്ത്രീകൾക്ക് ഫീസില്ല. www.rrcser.co.in
നോർത്ത് ഇൗസ്റ്റേൺ റെയിൽവേ: 1104 ഒഴിവ്
ഗോരഖ്പുർ ആസ്ഥാനമായ നോർത്ത് ഇൗസ്റ്റേൺ റെയിൽവേയുടെ വിവിധ വർക്‌ഷോപ്/യൂണിറ്റുകളിൽ അപ്രന്റിസ് അവസരം. വിവിധ ട്രേഡുകളിലായി 1104 ഒഴിവ്. ഒരു വർഷമാണു പരിശീലനം. ഡിസംബർ 24 വരെ ഒാൺലൈനായി അപേക്ഷിക്കാം.
∙ഒഴിവുള്ള ട്രേഡുകൾ: ഫിറ്റർ, വെൽഡർ, ഇലക്ട്രീഷ്യൻ, കാർപെന്റർ, പെയിന്റർ, മെഷിനിസ്റ്റ്, ടർണർ, മെക്കാനിക് ഡീസൽ, ട്രിമ്മർ.
∙യോഗ്യത: 50% മാർക്കോടെ ഹൈസ്കൂൾ/പത്താം ക്ലാസ് ജയം, ബന്ധപ്പെട്ട ട്രേഡിൽ ഐടിഐ. ∙പ്രായം: 15–24. അർഹർക്ക് ഇളവ്.
∙സ്റ്റൈപൻഡ്: ചട്ടപ്രകാരം.
∙തിരഞ്ഞെടുപ്പ്: യോഗ്യതാ പരീക്ഷയിലെ മാർക്ക് അടിസ്‌ഥാനമാക്കി.
∙ഫീസ്: 100. ഒാൺലൈനായി ഫീസടയ്ക്കണം. പട്ടികവിഭാഗം, ഇഡബ്ല്യുഎസ്, ഭിന്നശേഷിക്കാർ, സ്ത്രീകൾ എന്നിവർക്കു ഫീസില്ല.
റെയിൽടെൽ: 14 ഒഴിവ്
റെയിൽടെൽ കോർപറേഷൻ ഒാഫ് ഇന്ത്യ ലിമിറ്റഡിന്റെ കോർപറേറ്റ്, റീജനൽ ഒാഫിസുകളിൽ 14ഗ്രാജ്വേറ്റ്/ഡിപ്ലോമ എൻജിനീയർ അപ്രന്റിസ് അവസരം. ഒരു വർഷ പരിശീലനം. എറണാകുളത്തും ഒഴിവ്. ഡിസംബർ 15 വരെ അപേക്ഷിക്കാം.
∙ഒഴിവുള്ള വിഭാഗങ്ങൾ: ഇലക്ട്രോണിക്സ് ആൻഡ് ടെലികമ്യൂണിക്കേഷൻ, കംപ്യൂട്ടർ സയൻസ്, സിവിൽ, ഇലക്ട്രിക്കൽ ആൻഡ് ഇലക്ട്രോണിക് എൻജിനീയറിങ്.
