ഇന്ത്യൻ കോസ്റ്റ് ഗാർഡിൽ നാവിക് തസ്തികയിൽ 260 ഒഴിവ്, പ്ലസ്ടുക്കാർക്ക് അപേക്ഷിക്കാം, കേരളത്തിലും അവസരം
![indian-coast-guard-new-gif indian-coast-guard-new-gif](https://img-mm.manoramaonline.com/content/dam/mm/mo/thozhilveedhi/national/images/2024/2/23/indian-coast-guard-new.gif?w=1120&h=583)
Mail This Article
ഇന്ത്യൻ കോസ്റ്റ് ഗാർഡിൽ നാവിക് (ജനറൽ ഡ്യൂട്ടി) തസ്തികയിൽ 260 ഒഴിവ്. കേരളം ഉൾപ്പെടുന്ന വെസ്റ്റ് റീജനിൽ 66 ഒഴിവുണ്ട്. 02/2024 ബാച്ചിൽ പുരുഷന്മാർക്കാണ് അവസരം. ഫെബ്രുവരി 27 വരെ ഓൺലൈനായി അപേക്ഷിക്കാം.
∙യോഗ്യത: കേന്ദ്ര/സംസ്ഥാന സർക്കാർ അംഗീകൃത പ്ലസ് ടു ജയം. പ്ലസ് ടുവിനു മാത്സ്, ഫിസിക്സ് വിഷയങ്ങൾ പഠിച്ചിരിക്കണം.
∙പ്രായം: 18–22. നാവിക്, യാന്ത്രിക്: 2002 സെപ്റ്റംബർ ഒന്നിനും 2006 ഓഗസ്റ്റ് 31നും മധ്യേ (രണ്ടു തീയതിയും ഉൾപ്പെടെ) ജനിച്ചവരാകണം. എസ്സി/എസ്ടി വിഭാഗക്കാർക്ക് അഞ്ചും ഒബിസിക്കു മൂന്നും വർഷം ഇളവുണ്ട്.
∙ശാരീരികയോഗ്യത: ഉയരം: കുറഞ്ഞത് 157 സെ.മീ; നെഞ്ചളവ്: ആനുപാതികം, കുറഞ്ഞത് അഞ്ചു സെ.മീ. വികാസം വേണം; തൂക്കം: ഉയരത്തിനും പ്രായത്തിനും ആനുപാതികം.
∙പരിശീലനം: 2024 സെപ്റ്റംബറിൽ ഐഎൻഎസ് ചിൽകയിൽ പരിശീലനം തുടങ്ങും.
∙അപേക്ഷാഫീസ്: 300 രൂപ. എസ്സി, എസ്ടിക്കാർക്കു ഫീസില്ല. ഓൺലൈനായി അടയ്ക്കാം.
∙തിരഞ്ഞെടുപ്പ്: എഴുത്തുപരീക്ഷ, കംപ്യൂട്ടർ അധിഷ്ഠിത ഓൺലൈൻ പരീക്ഷ, കായികക്ഷമതാ പരിശോധന, വൈദ്യപരിശോധന, ഡോക്യുമെന്റ് വെരിഫിക്കേഷൻ എന്നിവയുടെ അടിസ്ഥാനത്തിൽ.
∙കായികക്ഷമതാപരീക്ഷയ്ക്ക് ഈ ഇനങ്ങൾ ഉണ്ടാകും–7 മിനിറ്റിൽ 1.6 കി.മീ. ഓട്ടം, 20 സ്ക്വാറ്റ് അപ്സ്, 10 പുഷ് അപ്.
ഓൺലൈൻ റജിസ്ട്രേഷൻ ഉൾപ്പെടെ വിവരങ്ങൾക്കു വെബ്സൈറ്റിലെ വിജ്ഞാപനം കാണുക. https://joinindiancoastguard.cdac.in