എയർപോർട്സ് അതോറിറ്റിയിൽ അഞ്ചക്ക ശമ്പളത്തിൽ ജോലിക്കാരാകാം; ആർക്കിടെക്ചർ, ഐടി ഉൾപ്പെടെ വിഭാഗങ്ങളിൽ 490 ഒഴിവ്
Mail This Article
ഡൽഹി എയർപോർട്സ് അതോറിറ്റി ഒാഫ് ഇന്ത്യയ്ക്കു കീഴിൽ 490 ജൂനിയർ എക്സിക്യൂട്ടീവ് ഒഴിവ്. ഏപ്രിൽ 2 മുതൽ മേയ് 1 വരെ ഒാൺലൈനായി അപേക്ഷിക്കാം.
ഒഴിവുള്ള വിഭാഗം, യോഗ്യത:
∙ ആർക്കിടെക്ചർ: ആർക്കിടെക്ചർ ബിരുദം, കൗൺസിൽ ഒാഫ് ആർക്കിടെക്ചർ റജിസ്ട്രേഷൻ.
∙എൻജിനീയറിങ്-സിവിൽ: എൻജിനീയറിങ്/ടെക്നോളജി (സിവിൽ) ബിരുദം.
∙എൻജിനീയറിങ്-ഇലക്ട്രിക്കൽ: എൻജിനീയറിങ്/ടെക്നോളജി (ഇലക്ട്രിക്കൽ)
ബിരുദം.
∙ഇലക്ട്രോണിക്സ്: എൻജിനീയറിങ്/ടെക്നോളജി (ഇലക്ട്രോണിക്സ്/ ടെലികമ്യൂണിക്കേഷൻസ്/ഇലക്ട്രിക്കൽ വിത് സ്പെഷലൈസേഷൻ ഇൻ ഇലക്ട്രോണിക്സ്) ബിരുദം.
∙ഐടി: എൻജിനീയറിങ്/ടെക്നോളജി (കംപ്യൂട്ടർ സയൻസ്/കംപ്യൂട്ടർ എൻജിനീയറിങ്/ ഐടി/ഇലക്ട്രോണിക്സ്) ബിരുദം അല്ലെങ്കിൽ എംസിഎ.
അപേക്ഷകർ ബന്ധപ്പെട്ട വിഷയത്തിൽ ഗേറ്റ് 2024 യോഗ്യത നേടിയിരിക്കണം.
∙പ്രായപരിധി: 27. അർഹർക്ക് ഇളവ്.
∙ശമ്പളം: 40,000-1,40,000.
∙ഫീസ്: 300. ഒാൺലൈനായി അടയ്ക്കണം. പട്ടികവിഭാഗം, ഭിന്നശേഷിക്കാർ, സ്ത്രീകൾ, എയർപോർട് അതോറിറ്റി ഒാഫ് ഇന്ത്യയിൽ ഒരു വർഷ അപ്രന്റിസ്ഷിപ് പരിശീലനം പൂർത്തിയാക്കിയ അപ്രന്റിസുകൾ എന്നിവർക്ക് ഫീസില്ല. www.aai.aero
