ഈ പ്രായത്തിലും മനോഹരം; ഭർത്താവിനെ പിന്നിലിരുത്തി ഭാര്യയുടെ മോട്ടോർ സൈക്കിൾ യാത്ര!
Mail This Article
ദിനംപ്രതി നിരവധി വിഡിയോകൾ സമൂഹമാധ്യമ ഉപയോക്താക്കളുടെ മനം കവരും. പ്രായമുള്ള ദമ്പതികളുടെ പരസ്പര സ്നേഹത്തിന്റെ മനോഹരമായ വിഡിയോയാണ് അത്തരത്തിൽ സമൂഹമാധ്യമങ്ങളിൽ ഇപ്പോൾ വൈറലാകുന്നത്. മോട്ടോർ സൈക്കിൾ ഓടിക്കുന്ന ഒരു സ്ത്രീയും പിൻസീറ്റിലിരിക്കുന്ന ഭർത്താവുമാണ് ദൃശ്യങ്ങളിലുള്ളത്.
ഇൻസ്റ്റഗ്രാമിൽ ഫൊട്ടോഗ്രാഫറായ സുസ്മിത ഡോറയാണ് വിഡിയോ പങ്കുവച്ചത്. വിഡിയോയിൽ വാഹനം ഓടിക്കുന്ന ഭാര്യയെയും പിൻസീറ്റിലിരുന്ന് യാത്ര ചെയ്യുന്ന ഭർത്താവിനെയും കാണാം. ‘ബൈക്കിൽ യാത്ര ചെയ്യുന്ന ദമ്പതികൾ ഒരു സാധാരണ കാഴ്ചയാണ്. എന്നാൽ ഇത്തരം യാത്രകളിൽ വാഹനം ഓടിക്കുന്നത് പലപ്പോഴും പുരുഷന്മാരായിരിക്കും. ഈ പ്രായത്തിലുള്ളവരുടെ ഇങ്ങനെയൊരു കാഴ്ച നിങ്ങൾ കണ്ടിട്ടുണ്ടോ?’– എന്ന കുറിപ്പോടെയാണ് വിഡിയോ എത്തിയത്.’
ഈ പ്രായത്തിലും ദമ്പതികളുടെ സ്നേഹം മനോഹരമാണെന്ന് പുകഴ്ത്തിക്കൊണ്ടാണ് വിഡിയോക്കു താഴെ വന്ന കമന്റുകൾ. ‘എത്രമനോഹരമാണ് ഈ കാഴ്ച.’– എന്നായിരുന്നു ഒരാളുടെ കമന്റ്. ‘അവൾക്ക് അവളുടെ സ്വന്തം വാഹനമുണ്ട്. ഗംഭീരം.’– എന്നിങ്ങനെ രസകരമായ കമന്റുകളും എത്തി. നിരവധി പേർ വിഡിയോ കാണുകയും പങ്കുവയ്ക്കുകയും ചെയ്തു.
English Summary: Elderly woman rides motorcycle with husband seated behind her in viral video.